Një ushtar amerikan, i cili është shpallur fajtor për vrasjen e pesë kolegëve të tij në Irak, në muajin maj të vitit 2009, është dënuar me burgim të përjetshëm.
Përfaqësuesja e lartë e BE-së për politikë të jashtme dhe siguri, Catherine Ashton duke komentuar marrëveshjen ndërmjet Kosovës dhe Serbisë, ka deklaruar se për BE-në janë të rëndësishëm aspektet që të vihet deri tek pika që të përmbushen kushtet nga konkluzat e dhjetorit.
Zëvendëspresidenti i SHBA, Joseph Biden ka takuar në Washingtonn kryeministrin e Serbisë, Ivica Daçiq të cilin e ka uruar ‘për arritjen e marrëveshjes fillestare në dialogun e ndihmuar nga BE për normalizimin e marrëdhënieve midis Serbisë dhe Kosovës’.
Dallimet politike përbrenda Bashkimit Evropian kanë bërë që fati i avancimit të Kosovës dhe Serbisë drejt integrimit evropian të jetë i ndërlidhur.
Nëse Serbia dhe Kosova nuk arrijnë pajtueshmëri për zbatimin e marrëveshjes për normalizimin e raporteve, Serbisë nuk do t’i jepet data për fillimin e bisedimeve për pranim në Bashkimin Evropian, ka deklaruar sot nënkryetarja e qeverisë së Serbisë për integrime evropiane, Suzana Grubjeshiq.
Isa Mustafa nuk e përjashton mundësinë e një koalicioni të ri mes LDK'së dhe PDK'së, pas zgjedhjeve të reja. Ai ka thënë se qëndrimi i tij se kurrë nuk do të ketë koalicion me Hashim Thaçin, ka pasur të bëjë vetëm me zgjedhjet e kaluara. Pozicionin e Mustafës, analistët konsiderojnë të natyrshëm pasi LDK asnjëherë nuk i ka bërë opozitë të fortë PDK'së.
Ramush Tahiri, këshilltar i parë i presidentes Atifete Jahjaga, ka shpjeguar se nuk ka pasur asnjëherë ndonjë deklaratë të presidentes se mund të ketë ndryshime në Kushtetutën e Kosovës për t’iu përshtatur marrëveshjes së arritur në Bruksel. Ai ka theksuar se deri tash është thënë se marrëveshjet janë brenda kornizës ekzistuese ligjore dhe kushtetuese.
Largimi i përfaqësueses së Shteteve të Bashkuara nga Agjencia Kosovare e Privatizimit, ka ndodhur në kërkim të një procesi transparent të privatizimit.
“NATO do të vazhdoj të mbajë një ambient të sigurt dhe të qetë në gjithë Kosovën”. Kështu deklaroi gjenerali Knut Bartels, kryesues i Komitetit Ushtarak të NATO-s i cili në takimet dyditore në Bruksel, diskutoi edhe për gjendjen në Kosovë.
Katërmbëdhjetë vjet pas përfundimit të luftës në Kosovë, vijnë shifrat zyrtare mbi pasojat e këtij konflikti të përgjakshëm. “Krimet e Serbisë në Kosovë 1998-1999”, “Krimet e Serbisë ndaj fëmijëve në Kosovë 1998-1999”, botime të Agjencisë Shtetërore e Arkivave të Kosovës, u promovuan dje në Akademinë e Shkencave në Tiranë.
Bashkohu me ne
Na ndiqni në Twitter
