Dy ditët e fundit kanë sjellë një përplasje të fortë mes dy emrave të njohur të muzikës shqiptare, Elsa Lila dhe Albina Kelmendi. Çfarë ndodhi në prapaskenë dhe si u zhvillua kjo rivalitet?
Dje, Elsa Lila, e ftuar në emisionin “Mirëmbrëma Yje”, bëri akuza të rënda ndaj Albina Klemendi, duke e akuzuar atë për parregullsi në votimin e Festivalit të Këngës 2023.
Kjo përplasje ka shkaktuar një valë reagimesh dhe diskutimesh në mediat sociale.
Rivaliteti mes këtyre dy artisteve nuk është diçka e re. Në vitin 2014, Elsa ishte trajnere në “The Voice of Albania”, ku Albina ishte pjesë e skuadrës së saj.
Pas disa vitesh, rrugët e tyre u kryqëzuan sërish, por këtë herë si rivale në festivalin e njohur.
Elsa Lila u shpall fituese nga juria, por biletën për në Eurovision e fitoi Albina, një vendim që shkaktoi shumë polemika.
Elsa e përmendi këtë moment në intervistën e saj, duke thënë se “votat u blenë”, një akuzë e rëndë që ka ngritur pikëpyetje mbi integritetin e procesit.
“A mendoni se m’u dha haku që meritoja? Mendoj që jo, ç’publik?”, shprehu Elsa me një ton të prerë.
Ajo pretendon se ka prova për parregullsi, por vendosi të mos e çonte çështjen në gjykatë, duke theksuar se është e ndershme dhe nuk dëshiron skandale.
Elsa gjithashtu nënvizoi se ajo e ka ndihmuar Albina Kelmendi në karrierën e saj, duke e trajnuar në “The Voice”.
“E bëra me duart e mia, me diturinë time dhe me artin tim,” tha ajo, duke lënë të kuptohet se suksesi i Albinës është rezultat i punës së saj.
Pas këtyre akuzave, publiku priste një reagim nga Albina Kelmendi. Por ajo zgjodhi të mos flasë, duke mbajtur një heshtje totale.
Asnjë deklaratë apo postim në rrjetet sociale nga ana e saj, duke lënë shumë të habitur fansat dhe ndjekësit.
Duket se Albina ka vendosur që heshtja të jetë përgjigjja e saj ndaj zhurmës që ka shkaktuar kjo situatë.
Ajo mund të preferojë që muzika e saj të flasë më shumë se fjalët, duke lënë të hapur pyetje mbi strategjinë e saj në këtë rivalitet të fortë.
