A duhet të vaksinohen fëmijët kundër Covid-19?

Vaksina Pfizer po u jepet fëmijëve amerikanë nga mosha 12 vjeçare pas miratimit të saj nga Administrata amerikane e Barnave dhe Ushqimit, por shkencëtarët janë të ndarë nëse kjo është mënyra më e mirë për të ndalur pandeminë.

Kjo sepse shumë njerëz në vende të varfra ende po presin të marrin dozën e parë të vaksinës.

Rregullatori amerikan zgjeroi përdorimin e vaksinës Pfizer tek fëmijët e moshës 12 vjeçare, në një garë për t’i imunizuar ata para rikthimit në shkollë pas pushimeve verore.

Vendimi u prit me padurim nga prindërit, drejtues shkollash e zyrtarë të shëndetit publik.

Kompania farmaceutike thotë se vaksina u ofron të fëmijëve mbrojtje kundër virusit duke i ka kërkuar edhe Agjencisë evropiane të Barnave që ta miratojë përdorimin e saj tek adoleshentët.

Universiteti Stanford njoftoi fillimin e fazave testuese 2 dhe 3 për të rinj tashmë të regjistruar, për të përcaktuar nëse vaksina krijon imunitet dhe parandalon COVID-19 tek fëmijët mes moshës pesë dhe 11 vjeçare.

Ajo shton se fëmijët nën moshën 18 vjeçare përbëjnë 25 për qind të popullsisë amerikane ose 85 milionë banorë, prandaj thotë se është e rëndësishme që ata të përfshihen në luftimin e virusit vde.kjeprurës.

Në Britani vaksina Pfizer është përdorur për të imunizuar të moshuarit, por shumica e popullsisë është vaksinuar me Astrazeneca.

Ndonëse kompania ka njoftuar plane për të testuar dozat tek adoleshentët, qeveria thotë se nuk ka plane për vaksinimin e fëmijëve.

Edhe profesori Adam Finn, thotë se provat nuk nenkuptojnë përfshirjen e të rinjve në listat e tyre të shpërndarjes së vaksinës.

Ai shton se përparësi në shpërndarje duhet të kenë komunitetet me rrezikshmëri të lartë në të gjithë botën, para grupmoshave të reja në vendet e pasura që kanë qasje më të madhe ndaj vaksinave.

“Kjo nuk është e njëjta gjë sikur të thuash se ne duhet të imunizojmë miliona fëmijë në Shtetet e Bashkuara, pothuajse asnjëri prej të cilëve nuk do të sëmuret edhe nëse është ekspozuar ndaj COVID dhe në të vërtetë pothuajse asnjë prej tyre nuk do të ekspozohet ndaj COVID nëse popullsia e rritur imunizohet në mënyrën e duhur”, tha profesori Finn.

Faza e tretë e testimit në Universitetin Stanford përfshin 344 fëmijë amerikanë të cilëve po u injektohet vaksina Pfizer.

Profesori britanik Jonathan Ball thotë se vaksinimi i fëmijëve në shkolla është diçka e pashmangshme për mbarë botën.

Të dhënat e Qendrës për Kontrollin dhe Parandalimin e Sëmundjeve tregojnë se ritmi i infeksioneve tek grupmosha nga 14 deri 17 vjeç është më i lartë krahasuar me pjesën tjetër të amerikanëve, ndërsa grupmosha gjashtë deri 13 vjeç po i afrohet mesatares kombëtare.

Vaksinimi i fëmijëve shihet nga institucionet arsimore në ShBA si diçka e domosdoshme për kthimin në normalitet./VOA