Web Analytics
BallinaLAJMEAAK kërkon rritjen e pagave prej 30 për qind për sektorin publik...

AAK kërkon rritjen e pagave prej 30 për qind për sektorin publik deri në miratim e Ligjit të Pagave

Aleanca për Ardhmërinë e Kosovës (AAK) ka kërkuar që të ketë rritje të pagave prej 30 për qind për punëtorët e sektorit publik.

Shefi i Grupit Parlamentar të AAK-së, Besnik Tahiri në konferencë për medie theksoi se Qeveria e Kosovës ka gënjyer 80 mijë zyrtarë publikë, duke mos e përfshirë Projektligjin për Paga në Buxhetin për vitin 2023.

“Qeveria e Kosovës i ka gënjyer gjithë zyrtarët publikë, duke ju thënë se do sjell Projektligjin e Pagave dhe duke mos vendosur në zbatim Ligjin e Pagave. E kanë luajtur një lojë të ulët, duke i mashtruar rreth 80 mijë punëtorë të zyrtarëve publikë tash e sa kohë. Nga analizimi i buxhetit shohim se as që bëhet fjalë për rritjen e pagave në sektorin publik”, është shprehur Tahiri.“Kërkesë e jona për Qeverinë është një amandament, ku do të kërkohet rritja lineare e pagave për së paku 30 për qind, deri në miratim të Ligjit të Pagave, përpos zyrtarëve që janë të zgjedhur politikisht”, ka shtuar ai.

Ndërkaq, deputeti Pal Lekaj ka shtuar se në buxhetin për vitin 2023, nuk parashihet askund rritja e pagave.

“Asnjë ngritje e pagave nuk është, nuk ka ngritje të pagave për shërbyesit shëndetësorë, për infermierët, për mësimdhënësit, për policinë e asnjë kategori. Me amendamentin e propozuar, do kooperojmë rritjen e pagave prej 30 për qind për gjithë punëtorët e sektorit publikë. Përndryshe nëse Qeveria prapë nuk vepron, po e shihni se në çfarë gjendje jemi, e shohim me çfarë inflacioni po përballemi. Ky propozim është i përballueshëm për Qeverinë, andaj shpresoj qe do të hasim në mirëkuptim”, ka thënë Lekaj. /Telegrafi/

Rrjetet Sociale

Na ndiqni
613,801FansaPëlqeje
28,304NdjekësitNdjek
1,000NdjekësitNdjek

Të Fundit