Banorët e këtij fshati ankohen se nuk po arrijnë të dalin në votime, për shkak të borës

Në fshatin Debëlldeh të Vitisë, raportohet se banorët janë duke pasur vështirësi për të dal në votim për shkak të rrugës së bllokuar pas reshjeve të borës.

Banorët kërkojnë ndihmën e komunës.

Mehmet Rrahmani banor i Debelldehut, ka thënë për televizionin lokal Plus Tv se gjendja në fshatin e tyre është e rëndë dhe banorët janë duke pasur teper të vështirë qarkullimin.

Ai ka thënë se është vëzhgues në zgjedhje, dhe nuk ka mundur me kohë të shkojë në qendrën e votimit shkaku i rrugës së pa kalueshme.

Ndërsa në komunën e Vitisë kanë thënë për Plus TV, se kompania e kontraktuar është duke punuar në pastrimin e rrugëve në fshatra.

Sipas tyre do të intervenojnë edhe në fshatrat malore në Debëlldeh dhe në Bozovik, për shkak se atje gjendja është më e vështirësuar si pasojë e borës që ka rënë gjatë natës./Indeksonline/