Çfarë i ndodh trupit tuaj nëse nuk hani pas stërvitjes?

Gërryerja e zorrëve është problemi më i vogël…

Shumica e nutricionistëve këshillojnë që patjetër të hani diçka gjysmë ore pas stërvitjes, sepse trupit i nevojitet energji e re pasi që gjatë stërvitjes keni shpenzuar mjaft.

Posaçërisht rëndësi të madhe kanë hidrokarburet dhe proteinat për t’i përmirësuar mikro-dëmtimet, të cilat ia ka shkaktuar stërvitja muskujve tuaj.

Nëse nuk keni afër ushqim me proteina, atëherë nuk keni mundësi të merrni dozën e domosdoshme.

Nëse kapërcimi i racioneve pas stërvitjes bëhet shprehi juaja, atëherë seriozisht rrezikoni të sabotoni rezultatet tuaja të stërvitjeve.

– Disa njerëz ndihen të lodhur, disa bëhen të dezorientuar për shkak të mungesës së sheqerit në gjak.

Mendojmë që mjaft lëndime të muskujve ndodhin për shkak që njerëzit nuk i sanojnë pjesët e dëmtuara të muskujve dhe nuk u ofrojnë regjenerimin e domosdoshëm, ka thënë mjekja Jennifer Beck, specialiste e mjekësisë sportive dhe ortopede e fëmijëve.

Ky mund të jetë problem i posaçëm nëse bëni stërvitje të forcës me ngarkesa të mëdha dhe ia pamundësoni trupit tuaj atë që i është e nevojshme për të rigjeneruar dhe përmirësuar mikro-dëmtimet.

Me përmirësimin e atyre lidhjeve të ndërprera, trupi juaj ndërton muskujt, mirëpo nëse nuk e bëni këtë atëherë rrezikoni edhe më shumë dëmtime herën tjetër.

Ushqimi gjithashtu përmban elektrolite, minerale të cilat i janë të domosdoshme trupit tonë në mënyrë që muskujt dhe nervat të funksionojnë në mënyrë të përsosur.

Nëse deri tani jeni djersitur mjaft gjatë stërvitjes, atëherë është shumë me rëndësi që trupit tuaj t’i plotësoni kalcium, kripë dhe kalium.

Dehidratimi dhe hipoglikemia (niveli i ulët i sheqerit në gjak) mund të ndikojnë shumë shpejt që të ndiheni të dezorientuar dhe madje edhe t’ju bjerë të fikët.

Në raste të rralla, mungesa e elektroliteve mund të ndikojnë në zemër dhe të çrregullojë punën e saj, të çojë deri ë aritmi dhe punë të keqe të zemrës.

Uji është shumë i rëndësishëm për këndellje të trupit pas stërvitjes, mirëpo është me rëndësi që të pini edhe gjatë stërvitjes.

Plotësoni ujin e humbur të cilin trupi e ka nxjerrë nëpërmjet djersës.

Kapërcimi i kohëpaskohshëm i racioneve pas stërvitjeve nuk është edhe aq i rrezikshëm, mirëpo mos lejoni t’ju bëhet shprehi.

Ushtrimi duhet të jetë argëtues dhe t’ju sjellë dobi shëndetësore, jo të përfundojë me shkatërrimin dhe këputjen e muskujve.

Edhe hidratimi dhe ushqimi janë pjesë e rëndësishme e shprehive të shëndetshme gjatë ushtrimeve.