Deputeti i LDK-së i reagon ashpër Isa Mustafës, e quan komunist

Deputeti i Lidhjes Demokratike të Kosovës (LDK), Haxhi Avdyli i ka reaguar kreut të kësaj partie, Isa Mustafës, pasi ky i fundit ka thënë se Avdyli dhe Osmani iu kanë gëzuar fitores së VV-së në Llap.

Avdyli në një postim në Facebook e ka quajtur Mustafën komunist i fundit nga ish-Jugosllavia.

“Komunisti i fundit nga ish-Jugosllavia deri BRSS , i shkolluar në Kumrovc, ministri i fundit i Krahinës Socialiste të Kosovës po e akuzon për komunizëm një profesoreshë të shkolluar ne SHBA, në vendin simbol të demokracisë.

Ja deri ku arriti mediokriteti i tij”, ka shkruar ai./GazetaBlic