Detaje të reja për tërmetin me madhësi të fuqishme që tronditi Turqinë lindore

ANKARA, Turqi (AP) – Agjensia e Turqisë për administrimin e urgjencës thotë se një tërmet me një madhësi paraprake prej 6.8 shkallësh ka tronditur lindjen e vendit, raporton “InfoKosova”.

Tërmeti ndodhi sot (e Premte) në 1755 GMT, 8:55 p.m. me kohën lokale, afër qytetit të Sivrice në provincën Elazig lindore, tha Kryesia e Menaxhimit të Fatkeqësive dhe Emergjencave.

Ministri i Brendshëm Suleyman Soylu tha se nuk kishte raportime për humbje jetësh të njerëzve në Sivrice ose zona të tjera të prekura.

Megjithatë, disa ndërtesa u rrëzuan në Sivrice, ku dy njerëz u lënduan, tha ai.

Soylu ishte në një takim për përgatitjen kundër tërmetit kur ra tërmeti.

Ministri i Mbrojtjes Hulusi Akar u tha gazetarëve se nuk kishte raportime për viktima në Sivrice por tha që tërmeti mund të ketë shkaktuar viktima në zona rurale jashtë qytetit.

Gjithashtu ai tha se trupat antitërmet ishin në gjendje gatishmërie për të ndihmuar nëse është e nevojshme.

Qendra e sizmologjisë Kandilli në Stamboll tha që tërmeti ishte 6.5., Ndërsa Shërbimi Gjeologjik i Sh.B.A-së dha madhësinë paraprake si 6.7, dhe tha se tërmeti preku jo vetëm Turqinë, por edhe Sirinë, Gjeorgjinë dhe Armeninë.

Mediat turke raportojnë se nga ky tërmet janë shqetësuar shumë qytetarët të cilët po vrapojnë që të ikin nga ndërtesat dhe ambientet e mbyllura./InfoKosova/