Digjet një shtëpi në Prishtinë

Një shtëpi është djegur sonte rreth orës 19:00 në rrugën “Isa Kastrati” në Prishtinë.

Rastin e ka konfirmuar për Express, zëdhënësi i Policisë së Kosovës për rajonin e Prishtinës, Agron Borovci.

Borovci tha se nuk ka persona të lënduar dhe se zjarrfikësit kanë arritur ta lokalizojnë zjarrin.

“Rreth orës 19:00 është raportuar për një zjarr në një shtëpi në rrugën “Isa Kastrati” në Prishtinë.

Policia menjëherë pas informatës ka dalë në vendin e ngjarjes.

Janë ftuar edhe zjarrfikësit të cilët kanë arritur të lokalizojnë zjarrin.

Nuk raportohet për persona të lënduar.

Policia po punon për hetimin e rrethanave të rastit”, tha Borovci./Express/