Duhet ta mbyllni vetëm hundën: Shpiket maska më e re mbrojtëse ndaj Covid 19

Studiuesit në Meksikë pretendojnë se kanë shpikur një maskë të re vetëm për hundë që mbron nga koronavirusi dhe që u mundëson njerëzve të hanë, të pinë dhe të flasin.

Maskat e hundës, u zbuluan gjatë një demonstrimi video nga një burrë dhe një grua anonimë, të cilët po i përdornin ato përderisa po hanin drekë.

Në videon e shpërndarë nga Reuters shfaqet një burrë dhe një grua që mbajnë maskë vetëm për pjesën e hundës.

Paketat plastike që përmbajnë maskat tregohen më pas në tryezë.

Maska është quajtur ‘Maska e Ushqimit’, sipas një etikete në pako.

Koronavirusi është sëmundje e frymarrjes që përhapet përmes ajrit nga pikat dhe grimcat më të vogla të nxjerra nga hunda dhe goja e një personi të infektuar ndërsa ata marrin frymë, flasin ose kolliten.

Sipas Universitetit Johns Hopkins, qelizat njerëzore që u japin njerëzve një nuhatje janë gjithashtu pika kryesore e hyrjes për koronavirusin, që do të thotë se është e rëndësishme të mbash hundët të mbuluara kur bie në kontakt të ngushtë me njerëz të tjerë.

Sipas tyre, maskat e hundës ofrojnë një shtresë mbrojtjeje mbi hundën e një personi përderisa ata hanë ose pinë, ndërsa potencialisht zvogëlojnë rrezikun e përhapjes ose kontraktimit të virusit.

Megjithatë, njerëzit shumë shpejt kanë filluar të tallen me këto lloje të maskave.

Organizata Botërore e Shëndetësisë rekomandon që maskat që mbahen të jenë në gjendje të mbulojnë gojën dhe hundën