E akuzuan se përdori vëllain për famë, reagon për herë të parë Mevlani për hyrjen e Artanit në Për’puthen

Në sezonin e ri të Për’puthen audienca sërish pati një hije të ish-konkurrentit Mevlan Shaba, kjo për shkak të hyrjes së vëllait të tij Artanit, i cili ndryshe nga Mevlani ndenji shumë pak në emision.

“Sigurisht është përfolur shumë dhe kjo hyrja e vëllait tim në Për’puthen pasi shumë njerëz e kanë marrë siç duan ata gjoja e ka futur vëllain për ta përdorur, për të mbajtur në balancë famën, kjo gjë nuk është e vërtetë, vëllai im nuk më jep famë mua, ai është i rritur, normal unë jam më i rritur e i jap këshilla.


Po unë nuk kam lidhje me zgjedhjet e tij, hyrja e tij në Për’puthen ishte për të jo për mua aq më tepër që zgjati shumë pak, rreth 2 javë, po të isha unë i implikuar për përfitim do bëja çmos të rrinte, po unë nuk kam gisht në këtë punë.” ,- tha ai për Prive.

Mevlani gjithashtu sqaroi se nuk ka kontakt as me Ledjanën e as me Antonelën dhe se nuk dëshiron të ketë.

Ai foli dhe për gjetjen e dashurisë:

“Koha është e limtuar, për shkak të angazhimeve, disa thonë si ka mundësi që nuk gjen ky kohë, nuk është veç muzika, po janë dhe angazhimet e përditshme, gjithmonë del diçka, nuk është se nuk e dua, nëse dashuria vjen, vjen, në këtë moment s’do ishte keq, do më qetësonte dhe pak mua nga gjithë ky stres i madh, nëse vjen e mirëpresim.”,– tha ai.