Flet hapur Agnesa: Nuk kam të dashur, me miliarderin indian po lobojmë për ta njohur Nigeria shtetësinë e Kosovës

Agnesa Vuthaj ish miss Kosova dhe ish miss Albania, ka reaguar ndaj shkrimeve që po qarkullojnë nëpër rrjet se ajo është në një lidhje dashurie me një miliarder indian, shkruan “InfoKosova”.

Këtë lajm Agnesa e ka hedhur poshtë duke bërë një reagim jo të shkurtër por shumë të gjatë për të gjithë ata që shpifin për bukuroshen tonë.

Agnesa në postimin e saj në Instagram, familjen e miliarderit indian e quan edhe si familje e dytë, dhe ish missi thotë se po të isha dashuruar në ndonjë miliarder do të dashurohesha në djalin e tij që është i vetmi trashëgimtarë i tërë asaj pasurie, por sipas asaj që Vuthaj e tha, ajo dëshiron që i dashuri i saj të jetë shqiptar.

Ndër të tjera Agnesa tregon se me miliarderin indian është duke punuar që Nigeria ta njohë shtetësinë e vendit tonë.

Ja dhe postimi i saj i plotë: “* Vazhdimin e reagimit tim mund ta lexoni ne foto 2, 3, 4….

Nuk kam reagur asnjëherë për asnjë shkrim dashakeqës, as për ato shkrime që kanë sulmuar biznesin tim, e as ato që kanë shkelur privatesinë time pa fakte.

Sot, dua të flas për respekt ndaj shumë gazetarëve e mediave që më kanë përkrahur ndër vite dhe sot më kanë kontaktuar për të marrur informacion të drejtpërdrejt nga unë, për familjen e miqtë e mi, për të gjithë ata që arrijnë të më shohin e njohin përtej vajzës së bukur që fitoi Miss-in para 17 viteve, për ndjekësit besnik ndër vite dhe për atë që ka një vend shumë special në zemren time.

Sot, dua të flas për gazetarin, i cili sot nuk ka shkruar shkrime shpifëse e dashakeqese ndaj meje për herë të parë, për gazetarin që sot udheheq medien e tij, por edhe punon në një tjetër, gazetarin që se kam paditur në 2006 e as në 2015, i cili sigurisht, si shumë të tjerë nuk beson që në Kosovë funksionon ligji dhe nuk arrin të besojë as në fuqinë e femres.

Nuk kam rënë prehë e kërcënimeve e as shantazheve kur kam qenë 17 vjeçare, e as 20 a 29, andaj nuk bie prehë e shantazheve e lajmeve tua as sot me 33.

Miliarderi i huaj nuk paguan “marketing” në kompemzim të mos publikimit të lajmeve siç bëjnë shumë kompani vendore, nuk jap ryshfete për të hequr lajme dhe ky shkrim s’do të ndikojë pozitivisht as në kërkesën tuaj përmes miqëve tanë për të investuar në mediat tuaja.

Po, jam vajza nga fshati, e cila ka fituar kuroren e Miss-it të Kosovës e Shqiperisë dhe asnjëherë nuk e kam mohuar origjinen time, madje e kam cekur me krenari vendlindjen time, sepse jam rritur në një familje ku jam edukuar për vlerat e vërteta të njeriut e jo për ndasitë fshat – qytet, ndasitë fetare a racore.

Jam shembulli që tregon që nuk ka rëndësi nga ku nisesh por ku arrin, jam shembulli i vajzës që çdo gjë e ka arritur me meritë, me forcat e veta, që nga kurorat e bukurisë, nga diplomat e fakulteteve, nga projektet që kam bërë e çdo punë që kam punuar ndër vite, çdo biznes që kam krijuar e rritur.

Nuk jam njohur asnjëherë për skandale, sepse fama e as ndjekesit në rrjete sociale nuk janë motivi im jetësor.

…vazhdon ne foto”/InfoKosova/