Flet vajza që përhapi audion në Whatsapp për Koronavirusin në Shqipëri: “Më kanë thirrur në polici, ju lutem fshini mesazhin!”

Thuajse në Whatsapp-in e të gjithë shqiptarëve u shpërnda një audio-mesazh i një vajze ku thuhej se në Shqipëri ka mbi 12 raste me Koronavirus.

Kjo audio krijoi panik në mesin e shumë personave, ndërkohë që kryeministri Edi Rama tha se nuk duhet t’i besojmë.

Lidhur me këtë pati një reagim edhe nga ministria e Shëndetësisë, ku sqaroi se informacioni është i pavërtetë.

Por vajza në fjalë ka reaguar sërish po me anë të një audio-mesazhi, ku tashmë kërkon që audio e saj e parë mbi Koronaviruisn të fshihet.

Ajo thotë se e kanë thirrur të dëshmojë në polici për përhapje të “lajmeve fake”.

“Është bërë problem i madh.

Goca kjo audio është e imja.

E kam nisur te grupi i punës para pak orësh dhe ju lutem, ju lutem, ju lutem fshijeni.

Të gjithë njerëzve që ua keni dërguar thuajini fshijeni se unë nesër kam për të shkuar në polici dhe kam për të dhënë deklaratë gjasme për lajme fake.

Të lutem kushdo që e merr këtë audio, ti thonë që ta fshini dhe mos ta shpërndajë më se është bërë problem shumë i madh.

Ju lutem, ju lutem, ju lutem fshijeni”, thotë vajza.

Ndërkohë në audion e parë vajza thoshte:

“Goca, se po më shkruante motra tani.

Vjehrra e motrës time është mjeke në spital dhe na mori në telefon dhe na ka thënë që janë konfirmuar shumë raste me koronavirus në Shqipëri, kështu që evitoni kafet e mbyllura ku ka shumë njerëz, autobusat, përdorni higjienizues, mos i takoni njerëzit, thojuni “mirëmëngjes” “mirëdita”, por mos u jepni duart që të keni kontakt me frymëmarrjen.

Pini lëng portokalli se forcon imunitetin se kush ka imunitetin e dobët më i rreziku dhe çështja është se do përhapet në masë, se nuk kemi as kushtet e duhura për t’i mbajtur në karantitë të infektuarit tha ajo.

Nuk është për të përhapur panik, por bëni kujdes me këto gjërat kështu.

Mbani gjithmonë higjienizues me vete, lani duart sa më shpesh, nëse hipni në autobusa shpesh merrni maska se nuk i dihet.

Nuk është bërë akoma publike se nuk e lejon shteti domethënë mbi 12 raste vetëm javën e fundit”.