Foshja me koronavirus në Londër po rekuperohet, është jashtë rrezikut për jetën

Bebja e porsalindur në Londër që u bë pacienti më i ri në botë i infektuar me koronavirusin vrasës raportohet se është ‘jashtë rezikut për jetën dhe duke u rekuperuar’.

Nëna e fëmijës u çua me urgjencë në spital disa ditë më parë me penumoni dhe rezultatet pozitive për koronavirusin u kuptuan vetëm pas lindjes.

Ato po trajtohen tashmë në dy spitale të veçanta dhe sipas të përditshmes ‘The Sun’ bebja po rekuperohet mirë.

Sipas raportimeve, bebja është infektuar me koronavirus pas lindjes nga kollitjet e teshtimat e nënës.

Ajo u testua disa minuta pas lindjes dhe rezultoi pozitive.

Shoqata e mjekëve britanikë ka këshilluar që nënat e bebet të mos ndahen nga njëra-tjetra dhe në raste infektimi dhe të ushqehen me gji.

Ata se nënat shtatzënë dhe bebet janë kategoria më pak e rrezikuar nga epidemia dhe pësojnë vetëm simptoma të lehta të saj.

Lajmi vjen teksa numri i vdekje në Britani gjatë natës që shkoi ishte 21 dhe numri i infektimeve kaloi 1,140.

Britani ka këshiluar 70 vjeçarët të mos dalin nga shtëpia për katër muaj dhe masa e detyruar pritet të nisë brenda 20 ditëve, por kjo nuk pritet të jetë zgjidhja përfundimtare.