Gastronomët i dorëzojnë çelësat para qeverisë

Pronarë të lokaleve të gastronomisë nga e gjithë Kosova kanë protestuar sot në sheshin “Zahir Pajaziti” në Prishtinë.

Kjo protestë ka ardhur si shenjë pakënaqësie ndaj vendimit të Qeverisë që nuk i lejon të punojnë pas orës 21.00.

“Sot jemi të sëmurë ekonomikisht dhe sot paguajmë taksa, diçka nuk po shkon, sot është aksion po ja japim çelësin tonë, se ju me vendimet e juaja na e keni qit neve çelësin, po presim përkrahje për atë që na kemi investu që 20 vjet, edhe ne kemi familje edhe ne kemi prindër nuk duam që ta çojmë virusin në shtëpi.

Nëse keni dys.hime për rolin e gastronomisë në shoqëri, po ju themi që kur ne s’jemi mirë nuk janë mirë edhe biznese tjera.

Ju bëj thirrje qeverisë, kaloni buxhetin tregoni veten sepse është koha e fundit me i ndihmu bizneset.

Kërkesa është subvencion i pagave, mbulim i qirasë, riprogramim i kredive dhe ulje e TVSH’së edhe për sallat e dasmat e diskotekat kërkojmë rimbursim financiar, nëse nuk reagoni sot një javë jemi prap këtu, ju nuk po jepni përgjegjësi mor ale”, kanë thënë nga Shoqata e Gastronomisë gjatë protestës para mediave.

Gastronomët në shenjë simbolike kanë filluar t’i dorëzojnë çelësat e lokaleve para qeverisë.

Ata vazhdimisht po bëjnë thirrje se janë në prag të falimentimit dhe se po punojnë me vetëm 20 për qind të kapaciteteve.