Këngëtarja e njohur Gresa Behluli ka bërë një reagim të fortë në rrjetet sociale, duke ngritur një pyetje të rëndësishme për standardet e prezantuesve shqiptarë.
A po humbasim natyrshmërinë dhe thellësinë profesionale në ekranin shqiptar?
Ajo ka bërë një krahasim të ashpër mes gazetareve dhe prezantuesve të dikurshëm dhe atyre të sotëm, duke theksuar se ndryshimi është i dukshëm. Gresa vëren se sot, shumë nga këta figura publike nuk arrijnë të përmbushin as pritshmëritë më minimale të komunikimit.
Në një postim të saj në Instagram, ajo shprehu mendimin e saj për këtë fenomen, duke shkruar:
“Qysh ka mundësi që sot edhe një prezantuese me lyp në krejt shqiptarinë nuk mundesh me gjet si kjo… e bukur natyrale? A po thjesht ka ndrru shija te ne si shoqni, madej po duhet edhe prezantueset e sot-it me ju përshtat trendit?! E s’po foli që shumica s’dinë 2 fjalë mi lidh, pa e lexu kurr 1 libër e marrin guximin me udhëheq emision…”
Këto fjalë kanë shkaktuar një reagim të fortë në mesin e ndjekësve të saj, të cilët shpesh ndajnë mendime të ngjashme për standardet e mediave shqiptare. Gresa duket se ka goditur një nerv të ndjeshëm, duke nxjerrë në pah një problem që shumë e ndiejnë, por pak e diskutojnë hapur.
Një nga aspektet më të rëndësishme që ajo thekson është se natyrshmëria dhe thjeshtësia, që dikur ishin vlera të larta në ekran, tani janë zëvendësuar nga një imazh i tepërt dhe një mungesë e thellësisë profesionale. Kjo ka sjellë një ndryshim të dukshëm në mënyrën se si prezantuesit e sotëm e përballen me rolin e tyre.
Çfarë mendoni ju për këtë çështje? A jeni dakord me Gresën? Na tregoni mendimet tuaja në komentet më poshtë!
