Jennifer Lopez po ndjen një përzierje emocionesh pas divorcit të saj nga Ben Affleck.
Sipas revistës People, një burim i brendshëm tregoi se ajo ‘po mundohet të jetë mirë’ pas paraqitjes së kërkesës për divorc më 20 gusht, që shënoi përvjetorin e dytë të ceremonisë së saj të martesës në Georgia.
Burimet shpjeguan se Lopez nuk është nga ato që heqë dorë dhe se ka qenë veçanërisht e vështirë për të.
“Ka qenë tepër e vështirë për të që Ben zgjodhi të heqë dorë nga martesa e tyre dhe të vazhdonte jetën e tij, duke e lënë atë pas vetëm”, tha një burim.
“Ajo nuk donte një divorc.
Ajo donte të kuptonte gjërat.
Ata e duan njëri-tjetrin.
Jennifer nuk është tipi që thjesht heqë dorë”.
U tha se ai nuk e përballonte dot jetën e saj në sytë e publikut, ndërsa preferoi të qëndronte larg paparacëve.
“Familja dhe miqtë e saj pajtohen se ishte vendimi i duhur.
Ajo është e rrethuar nga shumë dashuri dhe mbështetje.
Ajo do të jetë mirë.
Ajo është e fortë dhe gjithmonë ia del”.
Më parë, një burim i tha People se Lopez “u përpoq shumë për t’i bërë gjërat të funksiononin”, por nuk funksionoi.
Lopez dhe Affleck u takuan për herë të parë në vitin 2003 dhe kishin planifikuar të martoheshin, por e ndërprenë fejesën vitin e ardhshëm.
Romanca e tyre u rikthye në 2021 dhe më pas u martuan një vit më vonë, në 2022, në një ceremoni përrallore në Georgia.
