Komenti i tij për Bora Zemanin u bë viral, moderatorja përballet për herë të parë me avokatin

Para disa javësh në media u bë viral një koment që avokati Spartak Ngjela la në një fotografi të Bora Zemanit.

“Bora, me lejoni t’ju komplimentoj për performancën tuaj me klas artistik… që është një harmoni e plotë midis intelektit të lartë, elokuencës së zgjedhur dhe bukurisë fizike sukses të përsëritur të kesh gjithmonë”, shkroi ai në një foto të moderatores në Facebook.

Ky koment i ra në sy të gjithëve dhe me shpejtësi filloi të shpërndahej e të bëhej lajm në media, ndërkohë Bora nuk kishte reaguar, derisa u përball mbrëmjen e djeshme me avokatin Ngjela në emisionin “Top Arena”.

Ajo tha se i priti shumë mirë fjalët e tij dhe e falenderoi publikisht për komplimentat.

“Për komentin e avokatit unë në fakt nuk e dija vetë, e kam marrë vesh nga portalet, kjo pasi ju e keni bërë atë koment në një adresë në Facebook që nuk është e imja, megjithatë avokatin e kam bërë follow në Instagram eshtë një ndër komplimentet më të bukura që mua më kanë bërë ndonjëherë shumë faleminderit” – tha Bora.

Nga ana tjetër, Ngjela u përgjigj: “Ku e dija unë… Komplimenti është krijim, ju mendoni se është stisje për t’i prishur mendjen dikujt eshtë krijim që të jep efekt një grua ose vajzë,  nuk është personal ma dha efektin, më pëlqeu dhe e shkrova”.– ka përfunduar avokati.