“Komisionerët mos t’i dëmtojnë e ndryshojnë fletëvotimet, mund të dënohen me 5 vite burgim”

Genc Nimoni nga organizata Çohu, ka kërkuar nga komisionerët që të kenë kujdes, të mos i dëmtojnë fletëvotimet e mos ta ndryshojnë rezultatin në zgjedhje, për shkak që sipas tij mund të dënohen deri në 5 vjet burgim.

Nimoni ka thënë në T7 se duke u bazuar në vitet e kaluara, komisionerët kanë qenë më shumë subjekt i këtyre veprimeve, por që ata e kanë kuptuar që nuk ja vlen të shkojnë në burg për partitë politike.

Një mesazh për komisionerët.

Ata duhet të kenë shumë kujdes që të mos i dëmtojnë fletëvotimet për t’i bërë të pavleshme, mos ta ndryshojnë rezultatin sepse mund të jenë subjekt i dë.nimit, që mund të shkoj deri në 5 vjet.

Komisionerët kanë qenë më shumë subjekt i këtyre veprimeve.

Së fundmi ata e kanë parë që nuk ja vleni të shkojnë në burg për partinë, sepse partia nuk po shkon për t’i mbrojtur ata”, ka thënë ai.

Nimani ka thënë se sa i përket organizimit të zgjedhjeve, Kosova është shembull për rajonin./Express/