Krijimi i qeverisë Hoti është afër, thotë Muhaxheri

I nominuari për kryeministër nga radhët e LDK’së Avdullah Hoti po vazhdon negociatat me partnerët për formimin e qeverisë së re.

Lajmin e dha Gazmend Muhaxheri, nënkryetar i LDK’së.

Muhaxheri beson se formimi i qeverisë së re mes LDK’së, AAK’së, Nismës dhe minoriteteve është shumë afër.

“Besoj që kryeministri është duke i zhvillu negociatat edhe do të jetë afër krijimi i qeverisë së re’, tha Muhaxheri për televizionin publik të Kosovës.

Albin Kurti u shkarkua nga pozita e Kryeministri pa i mbushur dy muaj me një mocion të nisur nga Lidhja Demokratike e Kosovës.

Kurti fillimisht s’kishte pranuar kërkesën e LDK’së që të hiqej taksa dhe të mos vendosej reciprociteti me Serbinë dhe pastaj shkarkoi Agim Veliun nga pozita e Ministrit të Brendshëm me çka i dha edhe fund qëndrimit në krye të Qeverisë.

Presidenti ka paralajmëruar javën e kaluar se shpejt do të ketë hapa për formimin e Qeverisëdhe heqjen e reciprocitetit me Serbinë për të filluar dialogun me Serbinë.

Menjëherë kishte reaguar ambasadori Richard Grenell, duke i dhënë mbështetje kësaj nisme.

Pas kësaj, ka pasur paralajmërime nga VV se do të ketë rezistencë për të mos lejuar largimin e Kurtit nga posti i Kryeministrit.