Kuvendi i Kosovës nënshkruan kontratë për furnizim me lule, vlera e parashikuar tenderit është 30 mijë euro

Kuvendi i Kosovës ka nënshkruar një kontratë për furnizimin me lule për nevoja protokollare dhe për gjelbërimin e oborrit.

Në njoftimin e publikuar në faqen zyrtare të Komisionit Rregullativ të Prokurimit Publik (KRPP), thuhet se shuma e parashikuar e parave që janë ndarë për këtë kontratë është 30 mijë euro.

“Lot-1, furnizimi me lule për nevoja protokollare – vlera e parashikuar 10,000 euro; Lot-2, furnizimi me lule dhe bimë të tjera për gjelbërimin e oborrit (me peshim) – vlera e parashikuar 10,000 euro; dhe Lot-3, furnizimi me lule dhe bimë të tjera për gjelbërimin e oborrit (pa peshim) – vlera e parashikuar 10,000 euro”, thuhet në njoftim, shkruan Telegrafi.

Koha e publikimit të njoftimit për kontratë ka qenë 12 gusht 2021, data e hapjes së tenderi ishte 2 shtator, kurse nënshkrimi është bërë më 29 tetor.

Kohëzgjatja e kontratës kornizë është 36 muaj.

Në këtë tender kanë aplikuar tre kompani, ku është dhënë sipas çmimit më të ulët. /Telegrafi/