Më në fund lajm i gëzueshëm. Ja në cilën ditë pritet të bie borë në Kosovë

Ditët e para të muajit shkurt fillojnë me mot të butë dhe të thatë.

Javën e ardhshme i ftohti polar pritet të “marshoj” mbi rajonin tonë.

Mundësi edhe për reshje bore.

31.01.2020 – Ditët e para të muajit shkurt do të dominohen nga fusha të presionit të lartë dhe masa të ngrohta ajrore që po depërtojnë nga Europa perëndimore.

Do të mbajë mot i butë dhe pa të reshura, me temperatura ndjeshëm më të larta nga vlerat mesatare.

Mirëpo, nga mbrëmja e së martës, një ciklon i fuqishëm nga Atlantiku verior do të depërtojë deri mbi vendin tonë, që do të sjellë edhe reshje të borës, e nga verilindja e kontinentit, nga mesi i javës, do të shtrihen masa të ftohta polare, ndërsa temperaturat pësojnë rënie të theksuar deri në vlera negative.

Pas këtyre javëve me mot të butë, më në fund arrin moti tipik dimëror.

Vlerat ditore të cilësisë së ajrit do të luhaten rreth vlerave mesatare, mirëpo gjatë ditës mund të zbresin edhe në të mira, e gjatë mbrëmjeve të kalojnë në të pashëndetshme.

1.02 – Në mëngjes ftohtë, vransira kalimtare.

Ditën mot i butë dhe kryesisht me diell.

2.02 – Në mëngjes ftohtë, e në vise të ulëta mundësi për mjegull.

Ditën butë, me vransira dhe intervale më të gjata me diell.

3.02 – Butë, kryesisht me vransira, e gjatë ditës intervale me diell.

4.02-5.02 – Të martën butë, vransira dhe intervale me diell.

Në mbrëmje do të fryejë erë, priten reshje shiu, që më vonë do të shndërrohen në reshje bore.

Ditën e mërkurë mot i ftohtë dhe me erë, kohëpaskohe me reshje bore.

Nga Dukagjini gjatë ditës reshje të përziera shiu dhe bore.

Temperaturat minimale do të luhaten nga -2C deri +3C, e maksimalet nga 12C deri në 15C, ndërsa ditën e mërkurë minimale do të zbresin në 1C, e maksimale në 3C.

Do të fryejë erë e lehtë kryesisht nga jugperëndimi 1-3m/s.

Ditën e martë dhe mërkurë do të fryejë erë mesatare dhe e fuqishme së pari nga jugperëndimi 6-25m/s, e më pas nga veriperëndimi 5-11m/s.

Shtypja atmosferike do të rritet mbi vlera normale, por me afrimin e ciklonit do të pësojë rënie të thellë nën këto vlera.