Me padurim pritet kthimi i Arbër Zenelit

Presidenti i Stade de Reimsit, Jean-Pierre Caillot ka thënë se me padurim pret kthimin e mesfushorit të Kosovës, Arbër Zeneli.

Ai, për mediumet franceze, ka thënë se me kthimin e Zenelit do të përfitojnë shpejtësi në lojë, transmeton KTV.

“Neve na ka munguar efikasiteti, por unë nuk jam në panik.

Me kthimin e Arbër Zenelit nga lëndimi, do të fitojmë shpejtësi në lojë”, ka thënë Caillot.

Zeneli pritet të kthehet gjatë muajit mars nga lëndimi që e mbajti gjatë jashtë fushës së futbollit.

Për shkak të lëndimit, i mungoi edhe Kosovës në ndeshjet më të rëndësishme të saj në ciklin kualifikues për Kampionatin evropian, derisa pritet t’u mungojë “Dardanëve” edhe në ndeshjen gjysmëfinale të Ligës D të Ligës së Kombeve.