Melisa nuk i ndal postimet me Andin, publikon një video bashkë

Pas publikimit të këngës së dytë ish-konkurrentja e “Për’puthen”, Melisa Lleshi, bëri publike lidhjen me ish-konkurrentin tjetër të këtij programi, Andi Shehu.

Melisa ka bërë publike lidhjen përmes një fotografie nga klipi i këngës, derisa të gjithë fansat t e kanë uruar për lidhjen me Andin.

Madje ajo në postimin në ‘Instagram’, shkroi se Andi është e gjithë bota për të.

Por, dyshimet për lidhjen e Melisës me Andin ishin ngjallur qysh moti, ani pse asnjëri nga ta nuk e kishte pranuar një gjë të tillë.

Shpeshherë fansat kanë kapur ‘mat’ dyshen që një kohë të gjatë duke u shoqëruar së bashku, pasi Melisa kishte lënë emisionin se nuk po e gjente “shpirtin binjak”, e që duket se e kishte gjetur kohë më parë.

Tani pasi kanë bërë publike lidhjen e tyre, Melisa ka vazhduar të postojë fotografi e video me Andin nga përditshmëria e tyre.

Së fundmi, ajo ka publikuar një video në llogarinë e saj personale në “Instagram”, ku shihet e lumtur në krah të Andit.