Aktori i njohur kuban,Mario Cimarro, njoftoi në Instagram lindjen e vajzës së tij të parë, rezultat i lidhjes me modelen Bronislava Gregušová, me të cilën u fejua në nëntor 2019.
Aktori Mario Cimarro, i kujtuar për rolin e Luis Mario Arismendit në telenovelën “Pasionet e Fshehta”, ka bërë të ditur se është bërë baba për herë të parë, në moshën 51-vjeçare.
Cimarro ndau në llogarinë e tij në Instagram detajet e lindjes së Brianës, vajzës që tani ndan me të dashurën e tij, Bronislava Gregušová.
“Briana, edhe ti do t’i bësh ditët të shkëlqejnë dhe zemra pa masë, matet në dritën tënde.”, shkroi ai për të shoqëruar një seri imazhesh të Gregušová shtatzënë.
