Negativ edhe pacienti zero, shkon në 3 numri i të shëruarve nga Covid-19 në Shqipëri

Një tjetër lajm i mirë në betejën kundër koronavirusit në vendin tonë.

Pacienti zero doli negativ në testimin e tij për koronavirusin, duke u bërë kështu personi i tretë i shëruar nga Covid-19 në Shqipëri.

Lajmi u bë i ditur nga Kryeministri Edi Rama në një postim në rrjetet sociale.

https://www.facebook.com/edirama.al/posts/10157552065636523

Edhe ministrja Ogerta Manastirliu e njoftoi lajmin e mirë në një postim në rrjetet sociale.

“Një tjetër lajm i mirë.

Edhe pacienti 0 sapo është konfirmuar negativ.

Babë e bir pritet të lënë spitalin dhe bashkë me pacientin tjetër që la spitalin mesditën e sotme, janë 3 pacientët e shëruar që rikthehen në shtëpi.

Shumë mirënjohëse për punën dhe sakrificën e ekipit të #Infektivit”,shkruajti ajo.

https://www.facebook.com/OgertaManastirliu/posts/911580725964645

Mbrëmjen e së premtes, autoritetet shqiptare dhanë lajmin e mirë për shërimin e dy pacientëve të tjerë, kontaktet e pacientit zero, të cilët pas ristestimit të dytë dolën negativë.

Pasi të lenë spitalin, këta pacientë do të qëndrojnë në karantinë në shtëpi për 14 ditë./tvklan.al