Numri i të infektuarve po rritet, Hoti paralajmëron rikthimin e masave kufizuese

Pas rritjes së numrit të të infektuarve me Covid-19, kryeministri Hoti ka paralajmëruar rikthimin e masave kufizuese.

Ai thotë që ka mundësi që të kthehen prapa, nëse vazhdon të rritet numri i rasteve, ku edhe do të detyrohen t’i kthejnë kufizimet.

Hoti tregon që kanë krijuar edhe një manual sipas të cilit mund të mbrohemi nga virusi dhe se do të aktivizojnë mbi 200 punonjës shëndetësor si inspektorat shëndetësor.

“Secili qytetar duhet të jetë i kujdesshëm.

Kjo nënkupton respektim të masave, vetëm kaq.

Larja e duarve, mbajtja e distancës, sjella e duhur nëpër vende publike.

Edhe një herë e them, duhet të kemi kujdes pasi mund të kthehemi prapa me vendosjen e masave”, shtoi ai.