Olsi tregon i përlotur: Nuk fle dot, telefonata e fundit me mamanë e Rezartës

Në dhjetor të vitit që lamë pas tronditi mbarë opinionin publik historia e Rezartës dhe Olsit, çifti që u gjetën pa ndjenja në dhomën e tyre të gjumit vetëm pak ditë pas martesës.

Rezarta humbi jetën ndërsa Olsi arriti të shpëtonte duke treguar kështu edhe si ndodhi ngjarja.

Olsi tregoi se shkak i kësaj ngjarje ishte bërë mangalli që kishin ndezur në dhomë për t’u ngrohur i cili shkaktoi he, lmimin e çiftit.

I riu ishte i ftuar sot në emisionin “Shqipëria live”, ku me lot në sy tregoi se nuk fle dot në dhomën e gjumit që pas ndarjes.

“Atë e kam dashur shumë, shumë! Përkohësisht do qëndroj në Shqipëri, pastaj të shikoj.

Asnjë natë nuk kam fjetur tek dhoma e gjumit që nga ajo natë, nuk më bën zemra.

Unazën e Rezartës e mbaj gjithmonë me vete”, u shpreh Olsi dhe tregoi se me mamanë e Rezartës ka folur natën e ndërrimit të viteve.

“Komunikimi ishte normal.

E mora për ta uruar.

Më foli tamam, e urova, më uroi”, tregoi Olsi.