Presidenti Thaçi: Ne i besojmë drejtësisë ndërkombëtare

Presidenti i Kosovës Hashim Thaçi ka thënë se populli i Kosovës gjithmonë i ka besuar drejtësisë ndërkombëtare, në ditën kur shënohet 10 vjetori i vendimit të Gjykatës Ndërkombëtare të Drejtësisë për shpalljen e pavarësisë së Kosovës.

“Ne, populli ynë, gjithmonë i kemi besuar drejtësisë ndërkombëtare, përkundër faktit që ende nuk kemi drejtësi për gjenocidin e shtetit të Serbisë të kryer mbi popullatën civile shqiptare në Kosovë.

I kemi besuar dhe vazhdojmë t’i besojmë drejtësisë ndërkombëtare, sepse gjithmonë ishim dhe vazhdojmë të jemi në të drejtën tonë”, ka thënë Thaçi.

Thaçi përmes facebook-ut ka shkruar se sot 10 vjet është vulosur subjektiviteti ndërkombëtar i shpalljes së pavarësisë së Kosovës.

“Sot u bënë 10 vjet kur u vulos përfundimisht subjektiviteti ndërkombëtar i shtetit të ri të Kosovës.

Ne asnjëherë nuk kishim dys.hime për të drejtën tonë historike, që të jetojmë të lirë në vendin tonë të pavarur dhe sovran.

Serbia pas humbjes së luf.tës në Kosovë, duke mos u pajtuar me këtë fakt, kishte vendosur ta dërgonte rastin e shpalljes së pavarësisë së shtetit tonë në Gjykatën Ndërkombëtare të Drejtësisë”, ka thënë Thaçi./Express/

https://www.facebook.com/HashimThaciOfficial/posts/4063490633721265