Si e përdor Mbretëresha çantën e saj për të dhënë mesazhe të fshehta dhe ç’kuptim ka kur ajo rrotullon unazën?

Çanta e saj e preferuar nuk përdoret vetëm për të kompletuar veshjen si një aksesor por për diçka më të rëndësishme.

Me mbajtjen e saj, Mbretëresha i jep mesazhe stafit të saj për tu përgatitur.

Historiani mbretëror Hugo Vickers, ka shpjeguar sinjalet që jep mbretëresha me çantën e saj për t’i thënë stafit kur është gati të ikin apo kur do e mbarojë një bisedë.

Ai ka treguar se kur ajo lëviz çantën nga një dorë në tjetrën, tregon se mbretëresha po e përfundon bisedën dhe kur e vendos atë në tavolinë do të thotë që do jetë gati për 5 minuta për tu larguar që aty.

Sekreti i tretë është rrotullimi i unazës së martesës, shenjë kjo me të cilën mbretëresha kërkon ndihmë nga stafi për të ndërhyrë dhe për tu ‘shpëtuar’ nga një bisedë që ajo mund të mos e pëlqejë.

Një detaj tjetër është kur ajo ka të ftuar në pallatin e saj me një shenjë apo lëvizje i tregon stafit të saj se mysafirët janë duke u larguar dhe ata të hapin dyert për ti përcjellë.