Stavileci: Shqipëria e paaftë për ta mbajtur shtetin, Kosova për ta bërë

Esat Stavileci lindi më 11 korrik 1942 në Gjakovë, ndërsa ndërroi jetë më 17 gusht 2015 në Prishtinë.

Ishte një nga profesorët më të nderuar të Fakultetit Juridik të Universitetit të Prishtinës si dhe një nga akademikët më të respektuar në Kosovë dhe trojet shqiptare.

Ndër thëniet e tij sot veçojmë atë kur është pyetur se çfarë kanë të përbashkët Shqipëria dhe Kosova:

Më kanë pyetur se çfarë kanë të përbashkët Shqipëria dhe Kosova?

Jam përgjigjur shkurt:

Shqipëria dhe Kosova kanë të përbashkët paaftësinë:

në Shqipëri “për ta mbajtur shtetin”;

në Kosovë “për ta bërë shtetin”.

Kam tërhequr vërejtjen se “shteti nuk është mall që shitet në treg”./ KultPlus.