Takohen Kurti-Ahmeti? Ja për çka biseduan dy ish bashkëpartiakët

Kryeministri Albin Kurti dhe kryetari i Komunës së Prishtinës, Shpend Ahmeti, kanë zhvilluar një bisedë telefonike në lidhje me masat e marra për të luftuar koronavirusin.

Lajmin e ka bërë të ditur Ahmeti në Facebook, ndërsa ka shkruar se gjatë bisedës ka shtruar nevojën e ndërmarrjes së masave ekonomike sa më parë.

“Sapo zhvillova një bisedë telefonike me kryeministrin Kurti.

E informuam njëri-tjetrin për masat e ndërmarra dhe për atë se çka mendojmë se duhet bërë.

Theksova nevojën e ndërmarrjes se masave ekonomike tani! Koordinimi i institucioneve dhe bashkëveprimi konkret janë kyçe në këtë betejë të përbashkët.

Por edhe koordinimi i qytetarëve për #rriNshpi edhe më shumë”, ka shkruar Ahmeti.

Ahmeti e Kurti për disa vjet ishin së bashku në VV.

Ahmeti është larguar ndërkohë, e Kurti është kryetar i këtij subjekti.