Të famshmit që kanë probleme me gjumin

Për shumëkënd, mund të jetë e vështirë të imagjinohet se të pasurit dhe të famshmit, të cilët duket se janë të imunizuar ndaj problemeve të “njerëzve të zakonshëm”, qëndrojnë zgjuar për orë të tëra natën, duke u rrotulluar në shtrat.

Por për shumë të famshëm ky është një fakt.

Pagjumësia mund të jetë një problem edhe më i madh për ta, duke pasur parasysh oraret e tyre të zënë, ndryshimin e vazhdueshëm të zonave kohore.

Mungesa e gjumit mund të jetë vërtet e keqe për shëndetin tuaj, dhe këtu janë disa nga yjet botërorë që kanë ndarë një përvojë të tillë.

George Clooney, në një intervistë për The Hollywood Reporter, pranon se megjithëse zakonisht është në shtrat në orën 22:00, mendja e tij “e zënë” shpesh e mban zgjuar gjithë natën.

Por aktori gjeti “zgjidhjen e tij të gjumit”, një TV të ndezur, ë një intervistë tjetër, ai thotë se e ka kalur pagjumësinë e tij, por binjakët e tij të porsalindur kanë “përzier” rutinën e tyre të gjumit përsëri.

Këngëtarja Rihanna, në një prononcim për “Vogue Paris”, thotë se ka shumë probleme me “ndaljen e mendimeve”.

“Edhe kur shkoj në shtëpi herët, që do të thotë para orës 1:00 të mëngjesit, filloj të shikoj seriale ose dokumentarë, duke ngrënë ushqimin tim të preferuar dhe kështu me radhë, kurrë nuk mund të shkoj në shtrat, në fakt fle vetëm tre ose katër orë në natë”, thotë ajo.

Jennifer Aniston, në disa intervista pranon se lu.fton për të qetësuar mendjen natën dhe ndër të tjera, me ndihmën e aplikacioneve stimuluese të gjumit.

Në njërën prej tyre, ajo tha se këshilla e saj kryesore ishte “të bini në gjumë, por me telefonin në dhomën tjetër”. Ajo gjithashtu rekomandon një meditim të shpejtë para gjumit, si dhe disa  yoga’s për ta ndihmuar atë të relaksohet.

Madonna, në një intervistë për “Rolling Stone”, thotë se ajo ka jetuar me pagjumësi  për dekada.

Ajo gjithashtu pranon se qëndron rregullisht në studion e regjistrimit deri në orën 2:00 të mëngjesit dhe ngrihet në 7 të mëngjesit për shkak të fëmijëve të saj./Kosovarja/