U tha se Mbretëresha ka kërkuar fanellë speciale nga United me nënshkrimin e Ronaldos në të – Sport Innovation Society del me postim reagues

Sport Innovation Society ka fshirë një postim në Twitter duke thënë se Mbretëresha Elizabeth kishte kërkuar 80 fanella të Manchester United me emrin e Cristiano Ronaldos , me një kërkesë personale që e para të nënshkruhej nga vetë lojtari.

Superylli portugez vulosi një kthim të bujshëm në Old Trafford javën e kaluar, duke përfunduar një ribashkim të suksesshëm me klubin që ai u largua në vitin 2009.

Pasi dukej se Ronaldo do të kalonte te rivalët United, Manchester City, Djajtë e Kuq shpërthyen në duke u futur menjëherë në garë për t’i siguruar shërbimet e tij.

Të mërkurën, Sport Innovation Society raportoi se 80 bluza janë porositur për stafin mbretëror të Mbretëreshës, për më tepër, ajo gjoja kishte kërkuar që fanella e parë të nënshkruhej nga vetë lojtari.

Sidoqoftë, postimi tani është fshirë dhe uebfaqja më vonë shtoi: “Ne nuk mund të konfirmonim vërtetësinë e shënimit nga Mbretëresha dhe CR7 kështu që vendosëm të fshinim postimin, na falni”.

Ka pasur shumë spekulime mbi besnikërinë e Mbretëreshës në futboll, me raportimet e mëparshme që tregojnë se West Ham United ishte klubi që ka një vend të veçantë në zemrën e saj. /Telegrafi/