Web Analytics
BallinaLAJMEVasfije Krasniqi-Goodman jep dorëhiqje nga posti i deputetes, shkak gjendja e saj...

Vasfije Krasniqi-Goodman jep dorëhiqje nga posti i deputetes, shkak gjendja e saj shëndetësore

Vasfije Krasniqi-Goodman dorëhiqet nga posti i deputetes, shkak gjendja e saj shëndetësore.

Deputetja nga radhët e Lëvizjes Vetëvendosje, Vasfije Krasniqi-Goodman, ka njoftuar se ka dhënë dorëheqje nga pozita e deputetes, për shkaqe shëndetësore.

Përmes një postimi në Facebook, Krasniqi ka thënë se për këtë dorëheqje ka njoftuar edhe Kryetarin e Kuvendit, Glauk Konnjufca, si dhe kryesinë e Kuvendit.

“Duke qenë se jam në një trajtim mjekësor, dhe si rezultat në këtë fazë të trajtimit më duhet që për çdo muaj të kem vizita të rregullta, dhe përderisa i njëjti mund të zgjas, mua më vështirësohet, përkatësisht pamundësohet tani dhe ndoshta edhe në të ardhmen realizimi i obligimeve të mija si deputete. Kështu edhe përkundër dëshirës sime që unë të vazhdoj me përfaqësimin e juaj në Kuvend, më duhet të ju njoftoj se unë kam vendosur të japë dorëheqje nga pozita e deputetes. Rrjedhimisht për këtë dorëheqje sapo kam njoftuar edhe Kryetarin e Kuvendit z. Glauk Konnjufca, si dhe kryesinë e Kuvendit”, ka shkruar Krasniqi.

Ajo ka thënë se do të vazhdoj angazhimin publik për Kosovën në SHBA, sidomos në Kongresin Amerikan.

“Si rezultat i këtij angazhimi besoj që së shpejt do të shihen të arriturat e para. Kam besimin e plotë që së bashku me miq, njerëz të vullnetit të mirë, punëtorë e vizionarë, kauza e fitores së drejtësisë në Kosovë do të triumfojë”, ka shkruar ajo në Facebook.

Rrjetet Sociale

Na ndiqni
613,801FansaPëlqeje
28,304NdjekësitNdjek
1,001NdjekësitNdjek

Të Fundit