VV reagon pasi një masë e madhe e votave të mërgates dalin të pavlefshme

Zëdhënësi i Lëvizjes Vetëvendosje, Përparim Kryeziu ka reaguar pas vendimit që disa vota të diasporës të shpallen të pavlefshme.

Në një shkrim në Facebook, Kryeziu ka thënë se kjo është dëshmia përfundimtare që procesi i votimit nga jashtë duhet të ndryshohet.

E drejta për të votuar është e drejtë dhe njësi themeltare e demokracisë, për çka shteti demokratik dhe institucionet e tij kanë përgjegjësi që të gjejnë mënyrat më të përshtatshme për të garantuar ushtrimin e saj.

Procesi i votimit duhet gjithmonë të jetë i lehtë.

Nëse nga rreth 200 mijë të regjistruar për votim nga jashtë dhe qindra euro pagesa për shërbim postar, një numër shumëfish më i vogël i tyre mbërrijnë në Kosovë me kohë, e shumëfish më i vogël numërohen si vota të vlefshme atëherë këtu problemi është sistemor e institucional”, ka thënë ai.

Sipas zëdhënësit të LVV-së, ky subjekt do të procedojë në Kuvend që të bëhet ndryshimi i ligjit në mënyrë që mërgata të ketë të drejtë të votojë në ambasada dhe konsullata./Express/