Njohësi i çështjeve politike në vend Petrit Zogaj, ka ironizuar me zvarritjen e procesit të formimit të qeverisë ndërmjet Lëvizjes Vetëvendosje dhe Lidhjes Demokratike të Kosovës.
Zogaj, ka krahasuar këto negociata me ato ndërmjet Kosovës dhe Serbisë, të cilat i ka quajtur vlerësuar si më pak problematike.
“Ma problematike e të vështira po dalin negociatat LV-LDK sesa ato Kosovë-Serbi”, u shpreh Zogaj, përmes një postimi në profilin e tij zyrtar në rrjetin shoqëror “Facebook”.
Ndryshe, kanë kaluar tre muaj nga mbajtja e zgjedhjeve të parakohshme për Kuvend të Kosovës dhe dy partitë e para për nga numri i votave nuk kanë arritur të bëjnë marrëveshje për bashkëqeverisje.
Programi qeverisës i ka bërë në një qëndrim, por ndarja e hiseve ka shfaqur mospajtueshmëri të madhe mes tyre.
Edhe në takimin e sotëm, ngjashëm sikurse edhe në takimet e kaluara e vetmja gjë për të cilën kanë arritur të merren vesh është për takime tjera.
