Negociatat nuk kane nisur ende, madje as që mendohet të këtë kontakte mes klubit e lojtarit.

Zlatan Ibrahimovic tek Roma? E vështirë për t’u imagjinuar por jo e pamundur. Një sugjerim i papritur ai i gazetës suedeze “AftonBladet” ku shkruhet se ekipi ideal ku lojtari duhet të mbyllë karrierën është Roma.

Negociatat nuk kane nisur ende, madje as që mendohet të këtë kontakte mes klubit e lojtarit por shkrimi në gazetën nordike mund të jetë një shtysë që lojtari të afrohet me klubin roman.

Sipas informacioneve të fundit, gjigandi suedez është lodhur së luajturi në ”Parc des Princes”, aty ku u transferua në 2012 për shumën e 20 mln eurove.

Kontrata e tij me parizienet përfundon pas 2 sezonesh dhe futbollisti ka filluar të mendoje largimin nga Franca.

Vetë agjenti, Mino Raiola ka shpjeguar se një nga klubet më të mëdha në Evropë, por që nuk ka financat e duhura po perpiqet të rikthejë suedezin në Itali.

Perjashtohen Interi, Juventusi dhe Milani pasi 33 vjecari nuk do të dëshironte të luante sërisht me nje nga ish skuadrat e tij.

Italia është vendi i preferuar i tij pasi pikërisht në Serie A, ai arriti pjekurinë e tij si futbollist. Por sa është në gjëndje Roma të mbajë në skuadër një lojtar të nivelit të Zlatan?

Paga e tij është 10 mln euro në sezon tek parizienët dhe veshtirë se do të pranojë një ulje, prandaj kjo mund të konsiderohet edhe si një pengesë serioze.

Një vit përpara mbarimit të kontratës me PSG, Ibra do të jetë 34 vjec dhe për një lojtar i moshës së tij nuk mund të kërkojë një pagë stratosferike, prandaj shtatlarti suedez mund ta rishijoë vendimin për të luajtur në një skuadër me ambicie dhe që për më tepër i përshtatet stilit të tij të lojës.

​Alina Kabayeva, ish-gjimnaste olimpike e cila mendohet se është e dashura e Vladimir Putin, po mendon të udhëheq grupin mediatik më të madh pro Kremlinit.

Kabayeva kaloi më shumë se gjashtë vjet si deputet dhe shumicën e herave ka mbrojtur parimet në sport dhe kulturë duke prezantuar projektet e partisë së Putinit, ka dhënë dorëheqje për të marrë kontrollin e kontrollit më të madh mediatik në vend.

Grupi kontrollohej nga Yuri Kovalchuk, një mik i vjetër i Putinit i cili u sanksionua këtë vit nga Perëndimi për afërsinë me presidentin rus.

Secili prej nesh e mendon çdo fund vit gjërat që ka bërë dhe ato që duhet të provojë. Nëse mendoni se duhet të ndryshoni diçka tek vetja, portali britanik“Metro” iu sugjeron se çfarë nuk duhet të lini pa provuar në 2015.

Ndoshta disa prej tyre janë pjesë e përditshme e jetës suaj, por mos lini pa provuar ato që nuk janë.

1- Dhuroni gjak

Shpëtoni jetën e dikujt tjetër duke dhuruar gjak në 2015-ën. Bën mirë edhe për shëndetin tuaj.

2- Ndihmoni një të moshuar

Nëse komshinjtë tuaj janë të moshuar përpiquni t’i ofroni ndihmë herë pas here. Ata do ndihen të lumtur, por edhe ju do ndjeni se keni bërë një xhest për tu vlerësuar.

3- Luani një lotari

Nëse prej kohësh luani të njëjtën lotari dhe nuk keni pasur fat, mundohuni të provoni një lloj tjetër. Ndoshta do të keni më shumë fat në të.

4- Dhuroni para për bamirësi

Askush nuk do të vërë re shumën që do të ofroni përpara gjestit tuaj.

5- Bëhuni më i sjellshëm

Ju mund të jeni të sjellshëm, por tentoni të jeni edhe më shumë, do të ndiheni më mirë.

6- Ndihmoni një grup të rinjsh

Ju mund të bëheni vullnetarë së bashku me një grup të rinjsh. Pavarësisht moshës, vullnetarizmi është gjithmonë në “modë”.

7- Bëni disa ndryshime në jetën tuaj

Provoni diçka që nuk e keni provuar më parë. Psh. të bëheni vegjetarian.

8- Pastroni jashtëqitjen e qenit

Mjaft u ankuat për rrugët tuaja, por merrni dorezat dhe një qese ndërkohë që shëtisni qenin tuaj. Kjo nuk mund t’ju duket si një mënyrë joshëse për të bërë një ndryshim, por fqinjët tuaj do ta vlerësojnë.

9- Bëhuni një dhurues organesh

Kjo nuk mund t’ju duket gjest i madh, por duke u bërë një dhurues i organeve mund të jetë gjëja më heroike që mund të bëni ndonjëherë, duke ndryshuar jetën e dikujt.

10- Bëhuni dashamirës gjatë udhëtimit tuaj

Lirojini vendet të moshuarve grave shtatzëna ose ndihmoni prindërit tuaj, duke i mbajtur ngarkesat.

11- Shtyni veten fizikisht në të mirë të shëndetit të zemrës

Nëse kjo është një ecje, një shëtitje ose një maratonë, rëndësi ka që është një mënyrë e thjeshtë për ta mbajtur trupin në formë vitin e ri dhe të përqendroheni në mbledhjen e fondeve.

Veprimtari i shquar i çështjes kombëtare, Adem Demaçi, vitin 2014 e ka quajtur më të pasuksesshmin për shtetin e Kosovës. Ai ka thënë se papjekurinë e shtetit të Kosovës e ka dëshmuar më së miri ngërçi politik.

“Ky ka qenë viti më i pasuksesshëm për Kosovën. Dashtë Zoti e mos na u përsërit më! Më shumë u bë luftë për pushtet sesa për shtet.

Ajo që përjetuam për këta gjashtë muajt paraprakë tregoi se nuk jemi pjekur ende. Kështu që, fatkeqësisht kjo tregon papjekurinë tonë. Prandaj, kjo duhet të jetë pika kryesore që duhet të na brengosë të gjithëve”, ka thënë Demaçi në këtë intervistë për “Epokën e re”.

Për simbolin e rezistencës kombëtare, Adem Demaçi, ngjarja më e keqe ka qenë lufta e turpshme që u bë për pushtet, kurse si ngjarjen më të mirë e ka cilësuar arnimin e qeverisë së re.

“Mendoj se më e keqja ka qenë lufta e turpshme që u bë për pushtet, kurse më e mira, falë edhe ndihmës dhe përkrahjes së miqve tanë, ishte ky arnimi i qeverisë së re me mangësitë e veta, e cila para dhe mbi vete ka detyra të rënda kombëtare e ndërkombëtare”, ka theksuar ai.

Sipas Demaçit, nëse nuk ndodh diçka e papritur, koalicioni qeverisës PDK – LDK do të qëndrojë gjatë në pushtet.

“Megjithatë, shqiptarëve nuk u dihet sepse janë të gatshëm të befasojnë për të mirë dhe për të keq. Por, kjo qeveri nuk do të shkojë aq shpejt siç kanë dëshirë disa që u mbeti merak të vinin në pushtet në mënyrë të padrejtë dhe me dallavere”, ka deklaruar ai, duke shtuar se ata që mundohen ta rrezojnë qeverinë, nuk kanë shanse ta destabilizojnë, ta vonojnë prapë Kosovën dhe të veprojnë në kundërshtim me interesat e saj.

Demaçi ka parashikuar se viti 2015 do të jetë dramatik për Kosovën sepse do të sjellë probleme dhe vështirësi.

“Çdo qytetar i Kosovës duhet të mendojë së pari për interesin e kombit, pastaj të mendojë për interesin e vet sepse viti 2015 do të jetë dramatik për neve dhe nuk do të jetë aspak i lehtë meqë na presin detyra shumë të mëdha dhe shumë të vështira”, ka thënë Demaçi.

Për Lëvizjen Vetëvendosje, viti 2015 do të jetë vit i forcimit të opozitës. Një opozitë që do ta dobësojë qeverinë deri në rrëzimin e saj. Kështu tha lideri i Lëvizjes Vetëvendosje, Albin Kurti, sipas të cilit Vetëvendosje është opozita kryesore e që duhet të bëhet pozitë, derisa pozita e tanishme, sipas tij, të shkojë prej jetës politike kosovare.

Për Vetëvendosjen viti 2014 ka qenë i fuqishëm, sipas Kurtit, por jo edhe për Kosovën. Sipas tij, problemet kryesore të Kosovës, po bartë nga viti 2014 në vitin 2015. Këto komente Kurti i bëri në takimin përmbyllës të këtij viti më aktivistët e Lëvizjes Vetëvendosje.

Kreu i Vetëvendosjes tha se viti 2015 do të forcojë VV-në si opozitë, si një opozitë që nuk ka pasur Kosova e pasluftës.

“Lëvizja Vetëvendosje sot, është opozita kryesore, është opozita prijëse, për shumëçka është opozita e vetme edhe jashtë sistemit edhe Brenda sistemit. E për ta ndryshuar këtë sistem e për ta rrëzuar këtë regjim, duhet që kjo opozitë të bëhet pozitë, e ajo që është pozitë të thyej qafën e të shkojë njëherë e përgjithmonë nga skena politike kosovare”, tha ai, transmeton KP.

Kurti tha se viti 2014 i ka dhënë të drejtë Vetëvendosjes si asnjë vit tjetër, duke thënë në anën tjetër se janë përpjekur të bashkojnë opozitën kundër partisë në pushtet, por të tjerët kanë treguar se janë një opozitë e rrejshme.

“Thoshin, Vetëvendosja e ka gjuhën e ashpër, prej se ka fol ambasadorja amerikane, asnjëri nuk po na thotë më se Vetëvendosja e ka gjuhën e ashpër. Na thoshin që Vetëvendosja është ekskluzive dhe nuk bashkëpunon me askënd tjetër. Mirëpo, jemi përpjekur me mish e me shpirt, me gjithë kapacitetin tonë fizik, intelektual, politik e moral që ta bashkojmë opozitën kundër partisë shtet dhe kemi dëshmuar që Vetëvendosje nuk është ajo e cila është ekskluzive por ka të tjerë të cilët janë opozitë e rrejshme. Dhe në vitin 2014 kemi arritur një fitore të madh. Ka marrë fund opozita e rrejshme”, tha ai.

Kurti tha se problemet e vitit 2014 po bartën në vitin që po vjen. Ai tha ai, ashtu siç u kopjua buxheti I shtetit, prej një qeverisje në tjetrën, që nuk janë realisht as qeveri as të tjera.

Ai tha se Lëvizja Vetëvendosje e ka të qartë se kjo është një qeverisje për mision të vjetër, me të cilën edhe në vitin 2015 vazhdohet me struktura të Serbisë në çerekun e territorit e pa Mitrovicë të bashkuar, me varfëri e papunësi, e pa ekonomi prodhuese.

Sipas Kurtit, PDK e LDK u bënë bashkë për shkak se u dobësuan. Madje ai tha se një bashkim i tillë do t’i dobësojë edhe më shumë.

Më tutje Kurti tha se të pasuruarit nëpërmjet pushtetit të politikës duhet të marrin fund dhe të përfundojnë në burg. Siç tha ai, nuk duhet izoluar shoqëria prej përparimit por duhet të izolohen kriminelët prej shoqërisë.

Zëvendëskryeministri dhe ministri i Punëve të Jashtme, Hashim Thaçi thotë se dialogu mes Kosovës dhe Serbisë do të vazhdojë në muajin shkurt, por nuk e di se kur do të përmbyllet ai. Shefi i diplomacisë kosovare tha se ikja e kosovarëve është dëm i madh për shtetin.

“Negociatat me Serbinë do të vazhdojnë në fillim të shkurtit. Niveli do të jetë i takimit mes kryeministrave dhe zëvendëskryeministrave. Gjithmonë me bazë në Marrëveshjen e Prillit edhe pse Serbia po punon që t’i zhegitë këto marrëveshje”, ka thënë ai gjatë një interviste në RTK.

Thaçi thotë se nuk e di datën se kur do të përmbyllet ky dialog.

“Se kur do të përmbyllet ky dialog, nuk e di me datë muaj dhe vit dhe mendoj se këtë nuk e di askush, por do të jetë një proces që mund të them se do të zgjasë sepse do të vijnë faza të tjera që do të vijnë në dialog. Por ajo që mund të thuhet është se dialogu është për të mirën e dy popujve”, ka thënë ai.

Ai ka thënë se Kosova duhet të ndihet e sigurt në këtë dialog, pasi që ka mbështetjen e plotë të BE-së dhe NATO-s.

“Dialogu do të jetë përsëri i udhëhequr nga BE. Dialogu do ta ketë edhe mbikëqyrjen e plotë nga SHBA dhe NATO, andaj Kosova ka siguri të plotë që të vazhdojë këtë proces. Me normalizimin e marrëdhënieve Kosovë-Serbi, po tregohet edhe mesazhi i paqes dhe stabilizimit në rajonin tonë”, tha veç tjerash Thaçi.

Sa i përket ngritjes së pagave dhe zbatimit të kontratave kolektive, Zëvendëskryeministri tha se në rrethanat e reja kjo çështje kërkon zgjidhje në bazë të mundësive buxhetore që aktualisht i ka Kosova.

“Në rrethanën e re që ndodhemi, nuk është kohë për ultimatume, por është kohë për mirëkuptime, debat dhe dialog, dhe natyrisht se pagat do të rriten në kohën e duhur, në kohën e përshtatshme. Në maj të këtij viti, kur janë rritur pagat, ka qenë iniciativë imja, nuk kam pasur as ultimatume, as presion, as shantazhe nga asnjë sindikatë”.

“Është e vërtetë, ne si liderë politikë kemi premtuar gjatë fushatës rritjen e pagave. Dikush ka premtuar nga një mijë euro për çdo punëtor, dikush ka premtuar 43%, dikush 25%. Unë jam njëri nga ata që kanë premtuar 25%. Kemi pasur edhe analiza dhe studim të qartë. Mendoj se do të gjendet një zgjidhje funksionale, e pranueshme edhe për sindikatat, por edhe për mundësitë buxhetore të Qeverisë”, tha ai.

Në intervistë për RTK-në, Thaçi tha se krijimi i Gjykatës Speciale ka qenë kërkesë e panevojshme për Kosovën po shtoi se vendi do t’i kryejë obligimet e veta.

“Ky Tribunal jashtë vendit është kryekëput rezultat i trajtimit të dëshmitarëve të mbrojtur në periudhë 15 vjeçare, apo mos mbrojtjes së tyre. Ndërsa, këtë çmim duhet ta pranojmë të gjithë, si shtet por edhe si shoqëri. Një çmim krejt i panevojshëm”.

Shefi i diplomacisë kosovare tha se ikja e kosovarëve është dëm i madh për shtetin. Sidomos në aspektin e integrimeve euroatlantike.

“Kjo që po ndodh është në dëm të shtetit të Kosovës, të qytetarëve, në dëm të institucioneve të vendit, si dhe të ardhmes evropiane të Kosovës”.

“Nëse bëni krahasim me vendet tjera të Evropës Juglindore, probleme të tilla dhe shumë më të mëdha i kanë ndodhur vendeve që sot janë anëtare të BE-së. Andaj, me këtë problem duhet të ballafaqohemi të gjithë së bashku, si institucione, si parti politike, si shoqëri civile, si media por edhe si qytetarë”, theksoi Thaçi.