E ftuar në emisionin “Glamour Zone” në “Ora News”, ish-banorja e spektaklit televiziv “BBVK”, Vivien Thano, bëri disa deklarata të guximshme mbi marrëdhëniet e saj me figurat publike.
E pyetur nga moderatorja Ester Bylyku se për cilën figurë publike nuk ka respekt, Thano zbuloi emrin e Arbenita Ismajlit, duke theksuar disa aspekte të situatës që i kishin lënë një përshtypje të veçantë.
Intervista e saj dukej si një reflektim mbi emocionet dhe përjetimet e saja pas përfundimit të spektaklit, ku tensioni dhe konkurrenca janë pjesë e natyrshme e dinamikës.
Pjesë nga intervista:
Ester Bylyku: “Për cilin apo cilën nga figurat publike ti nuk ke aspak respekt dhe pse? Ndoshta ka të bëjë me diçka që ka ndodhur mbrapa skene?”
Vivien Thano: “Një personazh që mbaj mend është Arbenita Ismajli. Kur dola nga ‘Bigu’, pashë disa deklarata që ishin bërë për mua. Arbenita kishte bërë 3-4 story duke sugjeruar se si duhej të isha sjellë brenda shtëpisë. Ajo nuk kishte asnjë ide nga situata reale.”
Kjo situatë nënkupton një lloj tensioni që ekziston ndonjëherë ndërmjet banorëve të spektakleve të realitetit, ku komentet mund të zhvishen nga konteksti dhe të krijojnë situata stresuese. Vivien theksoi se ndjehej e shqetësuar nga këto komente që nuk ishin të bazuara në një situatë të qartë.
Ester Bylyku: “Ajo është ish-bashkëshortja e Feros, apo jo?”
Vivien Thano: “Po. Në atë kohë ishte një situatë ku ishin disa pyetje anonime dhe gjithkush po supozonte se pyetja kishte ardhur nga unë. Nuk është e drejtë të flasësh për njerëz të tjerë nëse nuk je pjesë e ambientit, nuk keshë asnjë lloj informacioni që t’i japësh një opinioni të saktë.”
Vivien gjithashtu shpjegoi se menjëherë pas incidentit, ajo kishte ndjerë se Arbenita kishte hequr disa nga postimet e saj, duke sugjeruar se ndoshta ishte penduar për deklaratat që kishte bërë.
“Mund të jetë se femra që flet keq për një femër tjetër ka diçka inferiore brenda saj. Unë kam qenë gjithnjë e hapur dhe e respektueshme me të tjerët,” tha ajo.
