Fituesi i Edicionit të tretë të Big Brother VIP Kosova, Drilon Rama, ishte mysafir i emisionit Sports Show në Klan Kosova.
Rama ndau përvojën e tij lidhur me agjërimin e Ramazanit, duke theksuar se ky muaj i shenjtë ka një ndikim të veçantë në jetën e tij profesionale dhe personale.
“Unë kësaj here këtu e kam shumë lehtë se nuk jam duke ushtruar tri herë në ditë, siç p.sh ka qenë vitin e kaluar. Jam zgjuar në mëngjes, kam shkuar edhe të punoj, pas punës kam shkuar edhe të ushtroj, kam fjetur një orë e prapë kam shkuar në ushtrime,” tregoi ai, duke e bërë të qartë se rutina e tij ka ndikuar në ecurinë e njohur të tij në sport.
Driloni është i njohur si sportist, pasi që ka disa vite që merret me boks. Ai përmendi se përkushtimi në sport dhe në agjërim është një ekuilibër delikat, por tejet i nevojshëm për suksesin e tij.
“Agjërimi është një sfidë, por gjithashtu është një mundësi për të reflektuar dhe për të forcuar besimin tim,” shtoi ai, duke folur për aspektin spiritual të Ramazanit në jetën e tij.
Bile, ai shprehu se çdo herë para se të ndeshet, dëgjon ilahitë e Adem Ramadanit, të cilat i japin forcën dhe fokusin e nevojshëm në ring. “Muzika e tij ka ndikim të madh në mua, ndihmon në përgatitjen psikologjike para çdo përballjeje,” tha ai.
Rama e përshkroi edhe atmosferën e veçantë që krijon Ramazani, duke theksuar se është periudhë e cila sjell bashkëngjitje me familje dhe miq. Ai e sheh këtë muaj si një mundësi për të forcuar lidhjet dhe për t’u angazhuar më shumë me ata që i do.
Shumë sportistë e ndajnë këtë qasje, duke u përkushtuar si në fushë ashtu edhe në jetën e përditshme. Agjërimi i Ramazanit ka treguar se mund të bashkojë forcën fizike dhe atë shpirtërore, dhe Rama është një shembull i shkëlqyer për këtë.
Ai përfundoi intervistën duke i inkurajuar të gjithë që të gjejnë mënyrën e duhur për të përqafuar sfidat dhe mbi të gjitha, të mos harrojnë të forcojnë besimin e tyre, pavarësisht se çfarë kanë përballë në jetën profesionale apo personale.