Kosova sot ka shënuar Ditën e Kushtetutës, një moment historik që përkujton miratimin e dokumentit themelor të shtetit.
Kryetari i AAK-së, Ramush Haradinaj, theksoi rëndësinë e Kushtetutës si një simbol të demokracisë dhe një garanci për mbrojtjen e lirive dhe drejtësisë në vendin tonë. Ai e përshkroi Kushtetutën si një instrument ku buron themeli i Kosovës si shtet i pavarur dhe demokratik.
“Sot, Republika e Kosovës shënon Ditën e Kushtetutës, dokumentin themelor të shtetit, që buron nga lufta çlirimtare dhe nga shpirti liridashës i popullit tonë. Pikërisht nga ky parim është ndërtuar një Kushtetutë moderne, që lartëson të drejtat e njeriut, garanton barazinë për të gjithë qytetarët pa dallim dhe siguron mbrojtjen e pakicave. Ajo është themeli i demokracisë sonë dhe gardiane e pathyeshme e parimeve të lirisë, drejtësisë dhe rendit kushtetues,” tha Haradinaj.
Ai nënvizoi se Kushtetuta duhet të jetë një guidë për çdo veprim të qeverisë, duke kërkuar që çdo vendim të jetë në përputhje me këtë dokument të rëndësishëm. Ajë e kritikoi qeverisjen e tanishme për abuzimet e përsëritura me ligjin dhe për vendimet arbitrare dhe antikushtetuese që kanë ndodhur në katër vitet e fundit.
“Në katër vitet e fundit jemi dëshmitarë të një qeverisjeje që në mënyrë të përsëritur ka cenuar dhe shkelur Kushtetutën. Kjo nuk është vetëm një çështje e ligjeve, por edhe e moralit dhe përgjegjësisë,” sqaroi Haradinaj, duke shtuar se njerëzit meritojnë një qeveri që e sheh ligjin si një mjet për të shërbyer qytetarëve, dhe jo për t’i sunduar ata.
Sipas tij, është e domosdoshme që të bëhet një ndryshim rrënjësor në qeverisje, duke propozuar një qeverisje që respekton jo vetëm formalisht, por në thelb, Kushtetutën. “Kjo është një detyrë e përbashkët për të gjithë, jo vetëm për ata që kanë pushtet,” vazhdoi ai, duke ftuar të gjithë aktorët politikë dhe shoqërinë civile të angazhohen për një përmirësim të situatës.
Haradinaj theksoi se zhvillimi i një kulture politike që e respekton ligjin dhe Kushtetutën është thelbësor për të ardhmen e Kosovës. Ai u shpreh se një shoqëri pa ligj dhe pa respekt për të drejtat e njeriut është një shoqëri e brishtë, e cila rrezikon përparimin dhe stabilitetin e vendit.
Të gjithë qytetarët e Kosovës janë përgjegjës për ruajtjen e parimeve të Kushtetutës dhe për të kërkuar llogaridhënie nga ata që i drejtojnë institucionet. Kjo është një përgjegjësi që duhet të ndjehet nga çdo individ, në mënyrë që çdo vendim dhe politikë të jetë në harmoni me vlerat themelore të vendit.
Natyrisht, respektimi i Kushtetutës është gjithashtu një shenjë e përkushtimit ndaj paqes dhe stabilitetit në rajon. Kosova duhet të jetë një model për vendet e tjera që aspiratën për integrim evropian dhe që respektojnë parimet e demokracisë.