Serie A (2024-2025) po shkon drejt një finale dramatike, me vetëm 5 javë për t’u luajtur, dhe mundësinë e një “play off” mes dy rivalëve të mëdhenj, Interit dhe Napolit, po rritet ndjeshëm.
Në një sezon ku çdo pikë ka rëndësi, Interi dhe Napoli ndodhen të barabartë në krye të renditjes me nga 71 pikë. Ky skenar ka tërhequr vëmendjen e të gjithë adhuruesve të futbollit dhe njerëzve të tjerë, për shkak të rregullave të reja që mund të sjellin një ndeshje finale për titullin kampion, siç njofton “Gazzetta dello Sport”.
Rregulli i ri, një finale për titullin
Nga sezoni 2022-2023, Serie A ka marrë vendimin e rëndësishëm për të zhvilluar një ndeshje të vetme në rast se dy skuadra përfundojnë të barabarta në pikë në vendin e parë. Kjo do të thotë se, përveçse për turneun dhe emocionin që sjell, tani ka edhe një rregull të qartë që siguron që çdo ndeshje të ketë një fitues. Nëse ndeshja përfundon në barazim pas 90 minutash, do të vendoset me penallti, duke e bërë çdo sekondë të ndeshjes jetësore.
Një precedent i vetëm historik
Nëse ky skenar ndodh, do të jetë hera e parë që një “play off” për “scudetto” zhvillohet që nga viti 1964. Atëherë, Bologna dhe Interi përballeshin në një finale historike në “Olimpico”, ku Bologna u shpall kampione. Tani rregullat janë më të qarta dhe nuk lejojnë asnjë mundësi për interpretim ose gabim.
Kush do të ketë më shumë nerva?
Drejtimi i dy skuadrave ka qenë një sfidë e madhe këtë sezon. Interi, nën drejtimin e Simone Inzaghit, ka patur vështirësi për shkak të lodhjes fizike nga angazhimet në Kupën e Italisë dhe në garat evropiane. Nga ana tjetër, Napoli, nën udhëheqjen e Antonio Contes, ka treguar stabilitet dhe ekuilibër të jashtëzakonshëm, duke qenë në formë të shkëlqyer në momentin më të rëndësishëm të sezonit.
Ja ndeshjet e mbetura të dy skuadrave kryesuese të Serie A:
Interi:
Java 34: Roma (në shtëpi)
Java 35: Hellas Verona (në shtëpi)
Java 36: Torino (në transfertë)
Java 37: Lazio (në shtëpi)
Java 38: Como 1907 (në transfertë)
Napoli:
Java 34: Torino (në shtëpi)
Java 35: Lecce (në transfertë)
Java 36: Genoa (në shtëpi)
Java 37: Parma (në shtëpi)
Java 38: Cagliari (në shtëpi)
Në letër, kalendari i Napolit duket më i lehtë, pasi përballet me ekipe që ndodhen në fund të tabelës, ndërsa Interi pritet të përballet me dy sfida të forta në shtëpi kundër Romës dhe Lazios dhe një ndeshje vendimtare ndaj Como, ku Napoli ka pësuar humbje më parë.
Një fund epik i sezonit
Futbolli italian është gati për një përfundim epik të kampionatit. Interi dhe Napoli, dy gjigantë të Serie A, mund të përballen në një betejë finale për fronin. Me rregullat e reja, “scudeto” mund të vendoset në vetëm 90 minuta, ose përmes një serie përballjesh penallti, që do ta shndërrojë këtë përfundim në një moment historik dhe dramatik. E gjithë kjo sjell nga vetë bukuria e futbollit italian, ku cdo moment sjell emocion dhe pasion për tifozët.