Pas një rrugëtimi të suksesshëm në Big Brother VIP Albania 4, bukuroshja Danja Koka ka vendosur të mos largohet nga vëmendja e publikut!
Ajo është gati për një rikthim spektakolar, këtë herë si prezantuese në Top Channel, ku do të moderon një emision të ri që premton të sjellë emocione të forta: “Yjet Shqiptare të Diasporës.” Ky program mbështetet nga vetë Fondacioni Dritan Hoxha, duke e vendosur Danjan në qendër të vëmendjes së mediave dhe publikut.
Në një intervistë të dhënë në emisionin “Wake Up,” Danja shprehu emocionet e saj për këtë rol të ri, duke thënë se ndihet jashtëzakonisht e nderuar për mundësinë që i është dhënë. Ajo premtoi se emisioni do të sjellë në skenë emra të njohur nga e gjithë bota artistike shqiptare, duke angazhuar publikun dhe duke i ofruar atij momentet më të mira të këtij artisti.
Gjysmëfinalja dhe finalja e emisionit do të zhvillohen në Tiranë gjatë muajit Qershor, dhe Danja do të jetë fytyra kryesore e këtij spektakli si moderatore. Ky edicion do të jetë një mundësi e shkëlqyer për të promovuar talentet e reja dhe për të njohur më mirë artistët që kanë bërë emër në diasporë.
Danja, gjatë bisedës, u pyet për marrëdhënien e saj me Redin, një nga figura më interesante të skenës shqiptare. Kur u pyet nëse dasma mes tyre është afër, ajo nuk dha një përgjigje të prerë, por sugjeroi se ekziston një lidhje të fortë mes tyre.
“Vetëm Redi ka disa plane… unë do jem një ndjekëse e denjë e mendimeve të tij,” tha Danja me një buzëqeshje gjatë bisedës, duke lënë hapur mundësinë e një të ardhmeje më të afërt mes tyre.
Kjo situatë ka shkaktuar një interes të madh në publik dhe median sociale, me fansat që ndjekin çdo detaj të marrëdhënies së tyre. Megjithatë, Danja theksoi se është e fokusuar më shumë në karrierën e saj dhe në rolin e ri si moderatore sesa në jetën personale.
Shikuesit e emisionit dhe ndjekësit e saj në rrjetet sociale janë në pritje të një rikthimi të plotë të Danjës në ekranin e tyre, dhe janë të paduruar për të parë se çfarë do të sjellë kjo fushatë e re për artistët shqiptarë.
