Google ka bërë apel për të gjitha ata që përdorin Gmail, duke i kërkuar mbi dy miliardë përdoruesve që të ndryshojnë fjalëkalimet e tyre për një zgjidhje më të sigurt dhe efikase.
Në një kohë kur kërcënimet kibernetike janë në rritje, Google ka njoftuar se fjalëkalimet tradicionale nuk janë më të mjaftueshme për të mbrojtur informacionet personale të përdoruesve. Zëvendëpresidenti i privatësisë dhe sigurisë në Google, Evan Kotsovinos, theksoi se përdorimi i çelësave kalimtarë është hapi i duhur drejt një sigurie më të fortë, duke ofruar metoda biometrike si gjurmët e gishtërinjve ose njohjen e fytyrës si alternativa për fjalëkalimet.
Duke zëvendësuar fjalëkalimet me çelësa kalimtarë, përdoruesit do të kenë një mënyrë më të thjeshtë dhe më të sigurt për t’u regjistruar në llogaritë e tyre, pa u shqetësuar për vjedhjet e mundshme të fjalëkalimeve. Kotsovinos vuri në dukje se kjo është një mundësi për të rritur nivelin e sigurisë personale, veçanërisht në një epokë kur sulmet e phishing janë bërë gjithnjë e më të sofistikuara.
Zëvendësimi i fjalëkalimeve nuk do të eliminojë metodën ekzistuese të verifikimit, por mund të thjeshtojë procesin e identifikimit duke eliminuar nevojën për verifikim të dyfishtë, nëse përdoruesi është duke përdorur pajisjen e tij të njohur.
Si të zëvendësoni një fjalëkalim me një çelës kalimi në tri hapa të thjeshtë
Për të filluar procesin e zëvendësimit, çdo përdorues duhet të sigurohet se ka një kompjuter me Windows 10, macOS Ventura ose ChromeOS 109 dhe një telefon të mençur që mbështet versionet më të fundit të iOS ose Android. Aktivizimi i Bluetooth dhe bllokimi i ekranit janë gjithashtu të nevojshme për të siguruar një kalim të suksesshëm në sistemin e ri.
Versioni më i fundit i një shfletuesi interneti si Chrome, Edge, Firefox ose Safari gjithashtu është i domosdoshëm. Përdoruesit e iOS dhe macOS duhet të kenë të aktivizuar iCloud Keychain për të filluar.
Pasi të jenë siguruar për të gjithë këta faktorë, ata janë të gatshëm të ndjekin këto hapa: Së pari, hapni cilësimet e llogarisë tuaj Google. Në seksionin e hyrjes në Google, zgjidhni opsionin çelësi i kalimit. Pastaj klikoni krijo një çelës kalimi dhe ndiqni udhëzimet duke verifikuar identitetin tuaj nëpërmjet gjurmëve të gishtave ose njohjes së fytyrës.
Kjo iniciativë është pjesë e përpjekjeve më të gjera të Google për të hequr qafe fjalëkalimet tradicionale dhe për të sjellë zgjidhje më moderne dhe të sigurta për vërtetimin e përdoruesve. Ndryshimi i politikave të sigurisë është një përparësi për ndërmarrjen, duke e vendosur atë në krye të revolucionit teknologjik lidhur me identifikimin e përdoruesve dhe mbrojtjen e të dhënave personale.
Për më tepër, ky zhvillim nënvizon rëndësinë e mbrojtjes së të dhënave në një botë gjithnjë e më të lidhur. Nëse ju jeni një nga ata përdorues të Gmail, është koha të veproni dhe të merrni seriozisht mbrojtjen tuaj kibernetike, pasi çdo qasje e paautorizuar mund të sjellë pasojë të rënda për privatësinë tuaj.
Me rritjen e numrit të sulmeve kibernetike, përdorimi i çelësave kalimtarë mund të jetë përgjigja e duhur për të ndihmuar në mbrojtjen e informacionit tuaj personal dhe financiar. Shmangni pasojat e mundshme duke ndjekur këto këshilla të thjeshta dhe përmirësoni sigurinë tuaj në botën dixhitale.
Google po punon vazhdimisht për të ofruar një mjedis më të sigurt për përdoruesit e tij dhe ky hap është një shembull i qartë i përkushtimit të kompanisë për të mbrojtur të dhënat e individëve nga kërcënimet moderne.