Mbrëmjen e djeshme u mbajt finalja e shumëpritur e edicionit të dytë të ‘Ferma VIP’.
Pas javësh të tëra sfidash, emocioneve dhe debateve, dy finalistët që mbërritën “kokë më kokë” në fund ishin Andueli dhe Big Basta.
Publiku vendosi dhe këtë edicion e fitoi reperi i njohur Big Basta, i cili u shpall fitues mes duartrokitjeve dhe entuziazmit në skenë. Ky edicion ka qenë një udhëtim emocionues për të gjithë të përfshirët, duke ofruar një spektakël të jashtëzakonshëm për të gjithë ata që e kanë ndjekur.
Megjithatë, momenti më i komentuar i mbrëmjes ndodhi menjëherë pas shpalljes së fituesit. Reagimi i Anduelit ishte i papritur; ai nuk i përmbajti emocionet dhe shpërtheu në lot, duke shprehur ndjenjat e tij të thella për humbjen. Ky moment sensibilizoi publikut dhe bëri jehonë në rrjete sociale, duke e bërë atë një nga momentet më të paharrueshme të sezonit.
Andueli, i cili ka qenë një nga figurat më të njohura në këtë edicion, ishte i njohur për energjinë e tij dhe përpjekjet e palodhshme që ofroi gjatë gjithë garës.
Ai u bë menjëherë një personazh i dashur për publikun, duke fituar simpatinë e shumë fansave.
Pamjet e momentit kur Andueli qau dhe largohet nga skena janë bërë tashmë virale në rrjet. Video të shumta që ndajnë këtë moment kanë mbledhur mijëra shikime dhe komente, duke treguar se sa afër ishte ai me tifozët e tij dhe sa shumë e vlerësonin për përkushtimin e tij.
