Ueda dhe Arlindi e nisën romancën e tyre në spektaklin “Love Island Albania”, ku u bënë një nga çiftet më të dashura për publikun.
Një vit më parë, ata u bënë prindër të një vajze të cilën e kanë quajtur Amea.
Për ditëlindjen e saj të parë, çifti realizoi një fotosesion familjar që tërhoqi vëmendjen e rrjeteve sociale, duke ndarë me ndjekësit momente plot dashuri dhe ngrohtësi.
“Amea ime, Gëzuar ditëlindjen. Po e shkruaj këtë mesazh me lot në sy. Nuk e kuptoj si ka kaluar ky vit kaq shpejt. Ndihet sikur ishte dje kur të mbajta për herë të parë në krahët e mi. Jam pafundësisht krenare për vajzën e vogël që po bëhesh çdo ditë,” shprehet Ueda, në një mesazh emocional.
Çdo arritje e saj ka qenë e veçantë për të. Ajo kujton me dashuri momentet si kur Amea mbajti kokën për herë të parë, ose kur filloi të qëndronte gjatë në “tummy time”.
“Kur u ngrit në këmbë, dhe kur dolën dhëmbët e parë, ishin momente të paharrueshme për ne,” tha Ueda, e cila ndan me krenari çdo hap të vogël të vajzës.
Ajo shton se, “Mendova se e dija çfarë është dashuria përpara teje, por ti ia dhe një kuptim krejtësisht tjetër. Një dashuri që e ka plotësuar jetën time në kaq shumë mënyra.”
Ueda shprehu gjithashtu se si ky vit ka qenë një sfidë dhe një frymëzim i vazhdueshëm për të dhe Arlindin. “Një dashuri e thellë, pa kushte dhe e paharrueshme. Gëzuar ditëlindjen, Amea jone e bukur. Une dhe Babi te duam më shumë se ç’mund të shprehin fjalët,” përfundon ajo.
Familja ka ndarë gjithashtu momente nga festa e ditëlindjes, ku miqtë dhe të afërmit erdhën për të festuar këtë ditë të veçantë. Atmosfera ishte ngrohtë dhe plot lumturi.
Amea ishte qendra e vëmendjes, dhe çdo detaj i festës u organizua me dashuri. Uda dhe Arlindi e ndanë këtë moment me ndjekësit e tyre, duke theksuar rëndësinë e familjes dhe dashurisë në jetën e tyre.
Festa kishte gjithçka që një fëmijë do të dëshironte, duke përfshirë torta, lojëra dhe shumë surpriza. Ishte një ditë që do të mbetet e paharruar për Amean dhe prindërit e saj.
Ueda dhe Arlindi e tregojnë se si përvoja e parentingut i ka afruar më shumë. Ato, ashtu si çdo çift tjetër prindërish, kalojnë momentet e vështira, por gjithashtu gëzojnë çdo arritje të vogël të vajzës së tyre. Dashuria për Amean do të jetë gjithmonë motivimi i tyre kryesor.
Komento edhe ti në Facebook – bashkohu diskutimit!
