Barcelona ka arritur një fitore dramatike 2-3 në transfertë ndaj Levante, duke e përmbysur një situatë të vështirë në minutat e fundit të ndeshjes. Kjo përballje, e zhvilluar në stadiumin e Levante, ishte një test i vërtetë për katalanasit, të cilët e filluan ndeshjen me shumë pritshmëri, por u përballën me një fillim të papritur.
Vendasit e Levante e dominuan pjesën e parë, duke shënuar dy gola të shpejtë që e vendosën Barcelonën në një pozitë të vështirë. Goli i parë erdhi në minutën e 15-të nga Romero, i cili shfrytëzoi një pasim të bukur nga Toljan, duke shmangur mbrojtësin Araujo dhe duke dërguar topin në rrjetë.
Situata u përkeqësua për Barcelonën kur Levante fitoi një penallti në fund të pjesës së parë, pas një ndërhyrjeje të VAR-it për prekje të topit me dorë nga Alejandro Balde. Jose Morales ishte i saktë nga pika e bardhë, duke e dërguar rezultatin në 2-0 për vendasit.
Pjesa e dytë nisi me një energji të re për katalanasit, të cilët shënuan dy gola brenda pak minutash. Goli i parë erdhi nga Pedri, i cili shënoi një gol spektakolar nga distanca në minutën e 48-të, duke ngushtuar diferencën në 2-1.
Pak minuta më vonë, Ferran Torres barazoi shifrat në 2-2, duke shfrytëzuar një krosim të saktë nga Raphinha pas një goditjeje këndi. Ky moment i kthesës i dha Barcelonës besim dhe energji për të kërkuar fitoren.
Me kalimin e minutave, tensioni u rrit në fushë, por Barcelona nuk u dorëzua. Goli i përmbysjes erdhi në minutën 90+1, kur një krosim i Lamine Yamal për Ferran Torres u devijua në portën e tij nga mbrojtësi i Levante, Elgezabal U, duke i dhënë Barcelonës një fitore të çmuar.
Ky triumf është një dëshmi e forcës dhe qëndresës së Barcelonës, e cila, pavarësisht vështirësive, arriti të rikthehet dhe të fitojë. Tani, të gjithë sytë janë drejtuar nga ndeshjet e ardhshme, ku katalanasit shpresojnë të vazhdojnë këtë formë pozitive.
“>SHIKOGOLIN2