Adelina Tahiri nuk është vetëm një këngëtare e suksesshme dhe një figurë publike mjaft e ndjekur, por mesa duket, ajo ka edhe një pasion të veçantë për gatimin, që deri tani e kishte mbajtur për vete.
Këtë talent të fshehur e ka zbuluar motra e saj, Diana, e cila ka ndarë me ndjekësit në rrjetet sociale një foto të një gjelle të përgatitur nga vetë Adelina. Postimi shoqërohej me fjalë lavdëruese për motrën, duke e cilësuar si “zonjë e vërtetë” dhe duke e krahasuar me kuzhinierët më të njohur të ekranit.
“Adelina jo vetëm që di të këndojë e të duket si diva, por di të bëjë edhe mrekulli në kuzhinë. Kjo është vërtet për t’u duartrokitur,” shkruante Diana, duke shfaqur me krenari përkushtimin e motrës për familjen dhe pasionin e saj për të gatuar.
Kujtojmë që Adelina është prej vitesh aktive në muzikë, por gjithmonë ka treguar se familja zë një vend të veçantë në jetën e saj. Pavarësisht angazhimeve artistike, ajo gjen kohë për të qenë pranë më të dashurve të saj, qoftë edhe nëpërmjet një dreke të ngrohtë të gatuar me dashuri.
Ky moment i ndarë nga Diana nuk ka kaluar pa reagime edhe nga fansat e Adelinës, të cilët janë entuziazmuar nga kjo anë e re e këngëtares. Komentet pozitive kanë vërshuar në postim, ndërsa shumë prej ndjekësve tashmë duan të shohin më shumë nga “recetat” e Adelinës.
A mos po na vjen ndonjë show kuzhine me Adelinën në qendër? Me këtë talent të zbuluar papritur, gjithçka është e mundur!
Shiko foton:
