Kur jeni duke fluturuar në lartësi prej 11 mijë metrave, e vetmja gjë që shpresoni është që aeroplani me të cilin po udhëtoni të jetë në gjendje të mirë, e jo të fillojnë t’i bien copat.
Atëherë imagjinoni si do të ndiheshit po të shikonit jashtë dritares, dhe të bindeni se dera e aeroplanit është në fakt e mbyllur me ngjitës letre.
Kjo gjë në fakt i ka ndodhur Jessica Baker, e cila e kishte vënë re këtë derisa po e dërgonte të birin e saj 11-muajsh në fluturimin e parë.
“Isha e tmerruar, pasi unë gjithmonë kam pasur frikë nga fluturimet dhe kur e pashë atë u nervozova shumë”, ka deklaruar Baker.
Gjatë tërë fluturimit nga Nelson në Christchurch, Zelandë të Re, nuk kishte mundur t’i ndajë sytë nga ngjitësi i letrës që është në formë shiriti.
Ndërkaq në lidhje me ngjitësin, zëdhënësja e aviokompanisë, ka deklaruar se qytetarëve mund t’iu ketë dukur ngjitës i letrës, por në fakt bëhet fjalë për një ngjitës special për fluturaket që përdoret në gjithë botën.
Shiko Fotot:
