Në episodin më të fundit të emisionit “Elevate by Floriana Garo”, publikuar në kanalin e saj zyrtar në YouTube, u trajtua një nga temat më të ndjeshme të kohëve moderne në Shqipëri: shëndeti mendor. Psikiatrja Denisa Hoxha, që ushtron profesionin në Gjermani, ndau përvojën e saj me pacientët shqiptarë, duke theksuar se ankthi dhe depresioni janë në rritje dhe shpesh neglizhohen për shkak të mungesës së ndërgjegjësimit dhe stigmës sociale.
Ajo theksoi se shëndeti mendor duhet trajtuar me të njëjtën rëndësi si ai trupor dhe se kujdesi i vazhdueshëm është thelbësor për parandalim dhe mirëqenie.
Një nga çështjet më prekëse të trajtuara ishte depresioni pas lindjes, një përvojë që prek shumë gra, shpesh në heshtje. Denisa Hoxha theksoi rëndësinë që familjarët të jenë të vëmendshëm dhe të mbështesin nënat e reja në këtë periudhë të ndjeshme, duke i inkurajuar ato të kërkojnë ndihmë profesionale. Ajo sugjeroi që qendra të ofrojnë mbështetje të specializuar për këto gra, për t’i ndihmuar ata të kalojnë këtë periudhë të vështirë.
Biseda u ndal edhe te divorci dhe ndikimi i tij te fëmijët, ku Hoxha shprehu se nuk është vetë ndarja që dëmton fëmijën, por mënyra si ndodh ajo. Në raste të dhunës, tha ajo, divorci mund të jetë një akt mbrojtës që i shpëton fëmijët nga trauma të rënda. Kjo është një temë që nevojitet një diskutim më i gjërë publik dhe krijimi i politikave që mbështetin fëmijët në këto situata.
Një tjetër aspekt i rëndësishëm është ndikimi i stresit dhe ankthit në ambientin e punës. Hoxha theksoi se shumë shqiptarë përballen me ngarkesë të lartë pune dhe presion të vazhdueshëm, që çon në rritjen e problemeve të shëndetit mendor. Organizatat dhe institucionet duhet të kuptojnë rëndësinë e ofrimit të mbështetjes psikologjike dhe strategjive për menaxhimin e stresit në punë.
Në kontekstin e shëndetit mendor, është e rëndësishme që të ketë ndërgjegjësim për shenjat paralajmëruese të ankthit dhe depresionit. Shumë njerëz, për shkak të stigmës, përpiqen të heshtin për problemet e tyre. Denisa Hoxha inkurajoi ata të flasin hapur dhe të kërkojnë ndihmë, duke e bërë këtë një temë të përditshme në bisedat familjare dhe shoqërore.
Në mbyllje, u diskutua për veprim duke nënvijëzuar fushatat e ndërgjegjësimit dhe një guxim në të folurit hapur për problemet e shëndetit mendor për t’i dhënë fund vuajtjes që shpesh kalon pa zë. Të gjithë janë të ftuar të kontribuojnë në këto nisma, duke ndihmuar në krijimin e një ambienti më të hapur dhe mbështetës për ata që vuajnë.
Emisionin e plotë mund ta ndiqni këtu:
